都唔知d鬼係咪睇得異形多，連南瓜雕塑都整成咁，呢個仲有少少似大閘蟹添．
又開腦，又跌眼，唔知係咪今年興用拉鍊呢？好多人都用佢黎做造型．
單眼伸利已經算小兒科啦．
家陣得棚疆屍牙都冇乜用唧．
呢個多少少野睇啦
木咀look
呢款令我諗起哈利波特入面ｄ蛇
骷髏俾人笠咗件衫
反而呢個有創意，用埋個蒂
呢個梗係法老既骷髏頭黎啦
科學怪人
縐皮老人家
呢個係內籠黎喎，乜咁認真呀？
細細個都可以照樣整到架
咦，呢個好似未整好喎．
似油畫多過似實物
連紅蕃都唔放過
都算大開眼界啦！
2010年10月31日 星期日
2010年10月30日 星期六
蒜頭？洋蔥？
某日，識飲識食的嬸嬸午飯後買了一袋白色的粒粒回來．
我一看：洋蔥仔呀？
嬸嬸：唔係呀，蒜頭黎架！
我：嗄～獨子蒜？唔係咁樣架喎．
嬸嬸：鬼佬蒜頭吖麻．．．
我：咁同我地食開果ｄ有咩分別呀？
嬸嬸：Juicyｄ咯．
我：係？咁就要見識下啦，你俾一粒我返去玩下啦，等我用黎蒸下豉汁排骨先．
嬸嬸：一粒點夠架，整夠四粒啦．
臨放工，嬸嬸打內線俾我．
嬸嬸：大鑊啦！
我：咩事呀？
嬸嬸：原來果ｄ真係唔係蒜頭黎架！你千其咪用黎蒸排骨喎，係洋蔥仔黎架原來．
我：唔緊要，我可以用黎煮其他餸架麻．
最後呢，我就用咗兩粒黎煮白汁蘆筍肉粒，另外果兩粒就煮咗咖哩薯仔青衣柳粒，兩款都好味．
佢既威力有幾大呢？唔知係咪我既嗅覺寧舍厲害，定係我少處理ｄ蔥蒜韭之類既配料，洗咗咁多次手，沖咗好幾次涼，過兩日都仲感覺到指頭有少少洋蔥仔味呀！
2010年10月29日 星期五
我和老闆的相處之道I
我是老闆自己搶回來的人選，我眼看著他和我的舊老闆同一日加入這個大家庭．
他曾在數次換阿四時，找人跟我說項．當然啦，勉強沒幸福，他等了我十年，看著我結婚，大肚，生Bibi．由九十幾磅變成一個肥師奶，仍然沒有放棄．最終因為舊老闆要離開，我才在他離職前三個月，被這新老闆硬搶過來．
雖然我的英文奇差，但經他多年的觀察，覺得我的優點特多，足可以彌補我的缺點．
高效：因為無人能讀他寫的藝術字，所以文件到我手，必定是最快完成的．
精靈：在他未需要交帶事情之前，老早把文件安排妥當．
活潑：相信大家都少見會跳樓梯的大肚婆，懷著Bibi時，我可會經常在公司內跑跑跳跳的呢！
有廚藝：經常製作人人讚好的糕點給各同事享用，他當然早就嚐過甜頭了．
昨日是他的生日，我安排了一連串的會議給他慶祝，連午饍時間亦不放過．所以，為了補償，我特別給他預備了蛋糕：
當我拎個蛋糕入會議室, d鬼都好識做, 大家一齊唱生日歌, 跟住仲話: Let's adjourn the meeting for 5 mins.
香蕉朱古力慕司蛋糕都真係幾好味, 唔錯, 唔錯!
我：阿仔，生日快樂呀！
老闆：你整架？
我：買架，整！
老闆：咁你即係出術唧．．．
阿仔，乖咯，食完蛋糕俾心機繼續做功課咯喎！
2010年10月28日 星期四
2010年10月27日 星期三
咁都得？薑蛋炒飯加芝士
爸爸返夜的日子，就唔駛留飯俾佢啦．初初又叫我唔好煮飯，但原來佢當更果陣，成日放五點食飯，得下午茶餐食，出門口之前又想食返飯咯喎．
於是唯有自己走去炒冷飯啦，素食之選，薑蛋炒飯．
炒完出黎，又貪心，放多塊芝士係面，睇住塊芝士溶咗既樣，似乎都幾好味咁喎．
咁佢都要有額外既營養既，偶爾飲下奶，食下芝士都無可厚非既，鬼叫佢係全家最纖型果個咩！
佢要我同佢出post，影俾大家睇下佢果兜爸爸炒飯，梗係要有條件啦，就係要玩過呢個遊戲啦．
咁大隻腳趾公，成隻雞蛋咁！
點知畫到中間果陣又跣筆喎，差ｄ毀容呀！
係都要人影多幾張，大家睇咗你ｄ腳趾，實倒晒胃口都得啦，咁又慳返餐啦喂！
2010年10月26日 星期二
Sweet Sweet的感覺XXXVIII － 寶寶的第一個生日
如今的家庭，大多只生一個小孩．數個大人才只得一個小朋友，大家的心自然牢牢地縛在小朋友身上．
一位媽媽特別請我為她的小寶貝做一個一歲紀念蛋糕，還指明要有小豬嘜的．
媽媽的愛意義重大，這可是愛的印記啊！
所以，我亦做了許多隻小豬嘜，才挑了這一隻出來．配上香桃糖粒，忌廉圈，藍莓及鮮檸片，再加上獨一無二的生日牌，就是小寶寶一世的紀念品了．
訂閱：
文章 (Atom)