充滿色彩的海鹽

聖誕節前，我訂咗好多海鹽返黎，諗住送俾大家做聖誕禮物。

我覺得呢D鹽好有特色，人地收咗，就算粗用，都唔會就咁擺係度，用唔著。

因為巖鹽太普通，白色既海鹽又冇咩特別，於是我就主攻有顏色既鹽啦。

呢款係賽葡路絲煙燻海鹽

份量最少，但價錢最貴。

呢款呢就係地中海紫海鹽

睇下淨重，好明顯，係前面果樽既兩倍。

呢枝係黑海鹽

得50g咋!

我先開一樽夏威夷紅海鹽黎用，放入湯度唔會死咸，真係唔錯，我會用黎煮食調味，唔會用黎醃肉。

佢地勝在個樽口本身就係一個即磨工具黎，所以唔駛怕樽入面既鹽咁粗粒。

只要用時揭起頂蓋，跟住反轉個樽，將樽頸塑膠部位，左右擰就可以將鹽磨細。

講你都唔信呀，我今次大大話話訂咗千幾蚊鹽返黎，連埋其他零食同朱古力，買咗三千幾蚊野，真係算誇啦。

睇住大家收到d鹽既開心樣，我都好開心既。有好野，梗係要同好朋友分享既。好過送糖果餅乾吖。

P.S. 一田都有呢d鹽賣，仲貴過我買好多。咁就梗係啦，我係用行貨價買架麻。