鹹牛軋糖

我都幾喜歡寶島出產既牛軋糖，Bibi去台灣都有買返黎。

佢俾我揀原味定鹹味，我梗係要後者啦。咁點解會係鹹既呢? 唔通好似牛奶糖咁加咗鹽?

意咦...... 原來有豬肉係入面喎，難道又好似澳門果D肉芯杏仁餅咁?

原來依家包裝保鮮既方式又有新意思啦，唔係防潮珠同防腐劑架啦。家陣佢地興"感知劑"。

個包裝未泄氣之前係粉紅色既

一拆包裝，有空氣入咗去，就即刻變成紫色

即刻試下，都好多餡喎，咬啖先!

都幾特別喎，入面冇肥豬肉既，好似有D豬肉乾係入面咁，都幾好味既。

我俾過好怕甜食既同事試，佢都話好味。