晚飯@上環泉章居

又約咗D姊妹吃飯，今次我揀咗係上環新開既泉章居。

樓下果層就好似茶記咁得D卡位，上層就係圓檯。但要上樓梯，如果要帶長者黎，就唔多適合啦。

七個人，點個六人餐加個冬瓜盅就夠晒。可以選既小菜成版咁多，可以認真研究下食乜先決定。

必點霸王雞，真係超好味。



咕嚕肉，不過不失

足料冬瓜盅，七個人食，真係裝到十幾碗。

金銀蛋莧菜

又腍又唔肥既梅菜扣肉

帶子蒸豆腐，帶子太薄，你地都係叫第二款小菜算啦。

我地叫咗六個飯，有一個飯冇郁過，咁我就帶走啦。身邊帶著一個飯盒，都放唔晒D飯餸。始終都係要加多個外賣盒，裝埋D雞同扣肉走。