沙律味桃哈多

呢包東東，其實係桃哈多黎。大家一向食開既都係牛奶呀、焦糖呀、士多啤梨、香甜粟米味等等。我一向對佢地都冇乜興趣，嫌佢太甜，唔夠"乖乖"好味。

今次呢款，點解又可以氹到我落搭呢?

睇真D，佢話係沙律味喎，咁即係可能係咸架啦。而且，重點係 ..... 呢包入面既粒粒係動物型架!

有鱷魚仔

又有熊仔

我買咗成個星期先開，打開包裝，真係冇走樣喎!

而且D粒粒都幾完整，睇下兩條鱷魚嗞嗞浸，乜咁好傾呢?

味道都唔錯，唔會太咸，我俾大家食既時候，佢地都好驚喜。駛乜講，我梗係識搵(零)食啦!

噢，分到七七八八先記得影埋袋入面俾你地睇。

我提議教主日學既同事帶包返教會，分俾小朋友，實好開心唧!