$128 二人「信得過」皇牌不加味精套餐 (價值 $268) 品嘗皇牌杏汁豬肺湯、極罕有蝴蝶腩，雞湯時菜，2客火膧雞湯米線/米粉/白飯

正價時黎試過，覺得味道不錯，不加味精係我最LIKE既。突然間見到佢有團購喎，咁就一定要捧下場啦。

杏汁豬肺湯，d豬肺已經好腍，又唔會太咸，順喉。平日我地黎食，飲一碗要$38。

白菜仔，不過不失，一食就知唔係預早淥熟既。

米線、米粉同白飯任揀，我就揀咗米線，唔好以為好細份量呀，飲咗碗湯，有菜有豬仔蝴蝶腩，夠架啦。

呢碟蝴蝶腩都算多，好食。單買呢碟都要$70架!

或者因為佔中既關係，人客好少，同我上年黎，要等位好唔同。或者真係少咗自由行既客掛?

我都有聽聞呢度既老闆唔係好鍾意招呼自由人，可能因為呢類客成日亂叫野食，食剩晒d野咁晒，佢睇見就心痛自己既食材咁浪費法，所以唔多歡迎佢地幫襯。

坐坐下有一對外藉人士入黎食野，佢地叫既食物同我地幾乎一樣，只係碗菜唔同唧。我好肯定，佢地一定冇我咁醒，識得買團購餐。不過，佢地竟然接受到豬肺湯，口味都好包容下喎。