今天，做了無飯市民，趁午休開始刻第二個印仔。
雖然此款橡皮擦比較軟身，但因為沒有第二種物料可用，唯有將就一下吧。
今回，試試刻字。因為刀痕刻下後，並不顯眼，所以不能不起草稿。嘗試徒手刻一個心形，因為太傷眼力，所以只好乖乖描線了。
刻了「For you」，老大的一塊材料，還有地方可再刻點甚麼啊！好，就多放一隻小腳印吧。
隨手取枝螢光筆，試試看，馬馬虎虎，總算可以交功課。
粘土做得不好，可以重頭搓揉，橡皮擦刻壞了，就分分鐘沒救了。所以我覺得還是粘土易做得多，何況我只得一把筆刀呢，要再添點工具才成啊！
驟眼看，似乎不錯，可是真身ｏ麻．．．．．真會嚇一人跳呢！
睇見大家成日玩雕印仔，等我又學下人地雕印仔先。
我諗都冇話咩方法唔可以用既，至多雕得冇人地咁靚既唧。好！就開工啦！
買唔到小熊講既十蚊店擦子膠，咁唯有買呢個平平地，十蚊六件既擦膠仔練習下先啦。
手頭得一把聖誕前新買既筆刀，爭ｄ連刀片都唔曉上呀。咁尖，嚇鬼死，手軟呀。
手震震咁裝好塊刀片，連點控制都未知，輕輕力介下先啦，大力得滯，容乜易唔駛stamp pad都印到野架。
既然呢粒擦膠仔已經有個咁靚既蘑菰形輪廓，咁就唔好客氣啦，就懶懶地，整一個最易既先。
用鉛筆起稿，再介。咁下面蘑菰仔既表情點介架？唔知呀，照整住先啦。
大功告成！咁印台呢？搵返廿幾年前果ｄ出黎，乾晒呀，陰功！咁點好呢？
唔怕，拎呀女細個果陣果套顏色筆出黎先，大部份都乾咗啦。咦！紫色果枝仲work喎。油黎試下先，OK喎！
大家睇下，呢個就係我既第一個印仔啦。
冇工具係手, 塊面係縐咗少少
其實塊擦膠真身係好靚靚既, 我雕果個就唔同咗樣啦.
加返面珠登先, 開心晒!
除咗最近收到既櫻花漬同有機煎茶外，其實我在公司可放了不少茶類飲品呢。
西式既，有早餐必備既馬莎英式紅茶，奶茶係我生命裏面必備既！但放假唔飲我又唔覺有咩唔妥喎，或者中毒未夠深卦！
包裝精美既早餐茶，個罐好靚，仲有另一罐車厘子味既，仲靚，俾咗同事啦
日本人至愛綠茶粉，其實我冇乜飲既，用黎整野食多
綠茶茶包，貪心買得多，好似飲極都飲唔完咁
酒店禮籃內的飄香茶，得個名，冇乜特別，擺明係呃鬼佬野
茗閒情既桂花茶，呢只茶好香架，聞下都醒神呀
凍頂烏龍，係日本朋友送既台灣特產，好順喉既
龍井，我就麻麻，青氣重
馬騮搣，呢只茶夠晒香
2006年所浸既咸柑桔，得返三粒咋，要慳住飲，如無必要，忍下先！
還有已經除去包庄袋的玉桂、香片、潽洱等，加埋雪櫃裏面既紅莓蜜，檯頭既念慈庵，有機豆漿沖劑，朱古力粉等，真係有排飲架，仲可以用黎招呼埋我鄰近既同事添。品種多過大家寄存係公司茶房果ｄ呀！
有次有個外藉女客人上黎開會，我問佢飲咩？佢居然問我有冇果ｄ薰衣草、甘菊之類既，鬼佬覺得飲咗好寧神安眠既茶喎。去到人地公司，人地問你要唔要飲杯野，一般人只會話要咖啡、奶茶或者中國茶，甚至係水既唧，佢居然有ｄ咁既要求，你估我開花草茶鋪既咩？擺明係玩野啦！
我係就係曾經有ｄ法國花草／果香茶係度既，但因為接愛唔到ｄ味，放放下都過晒期，有乾果粒係入面既，會變壞架，俾我掉鬼晒啦。
我老闆好乖仔架，如果我見佢都做野做得幾辛苦，我就會沖杯好野醒下佢。但無論我俾咩佢飲，佢都照倒入肚既。包括柚子蜜、田七茶、咸柑桔、竹蔗茅根精、菊花晶、紅棗茶、八寶茶、山渣茶，或者我亂咁整既鮮荔枝、杞子龍眼茶、玫瑰花茶等等。就算杯野顏色曖昧，氣味奇特，佢都會照飲，仲話：你俾得我飲，一定係好野黎既！
係華姐個blog, 玩咗呢個 神機妙算 既測字遊戲, 大家有興趣都可以去八下既!
用我個名既結果如下(唔係幾識搞, d字時大時細添):
內在想法
*思想細密，想得多又遠，而且很有耐心
*很會分析、摸索他人的心態，且說出自己中肯的看法
*不喜歡被別人猜中心事，一旦被猜對行為後就會立即作改變
*非常有同情心，看到可憐的人會想要幫助他
*是個感性的女生，容易多愁善感
外在行為
*好就好不好就不好，個性非常阿莎力，絕不龜毛
*相信自己人，保護自己人，有時跟大姐頭一樣
*有話直說，不喜歡拐彎抹角
*個性活潑好相處，喜歡交朋友
*脾氣太過火爆，被惹毛則不留情面
第日有機會見面既網友留意啦, 我係一個連測字遊戲都話係"惡人"既人黎架, 實在唔曉講d咩恭維話, 如果唔覺意得罪大家, 就當自己時運高, 聽唔到啦!
玩下唧, 唔駛咁認真既!
過年前有ｄ無聊，咪諗住拆咗其中一套金鏞新修版小說睇下咯。
神鵰、射鵰又睇咗啦，仲有好幾套未開封既，拆邊套好呢？
終於揀咗鹿鼎記。雖然我冇睇電視，但依家電視又做緊喎，咁好啦，就睇呢套啦。
以前電視劇同電影版我都冇真正睇過，所以除咗偶爾睇下ｄ短片或者預告，知道多少劇情之外，對呢套書既內容其實好陌生。
話就話係新修版唧，但修改過乜，我真係唔清楚。我只知道：如果想導一個青少年升仙，要佢開始鍾意睇金鏞既小說（如果佢從來未睇過咩係武俠小說既話），用呢套書黎做試點既話，一定要記住約略口述第一冊既第一章俾佢聽，要果位小朋友由第二章開始睇。如果唔係呀，分分鐘未捱完第一章就會放棄架啦。
我已經睇到第五集啦，就快睇晒咯。
老土正傳(History of Hong Kong Lands)
由港台製作的「老土正傳」會由今日起至15/4/2009，逢星期三晚上七時於無線電視翡翠台播出，萬勿錯過呀！
大家亦可在港台網頁作網上重溫。(http://www.rthk.org.hk/rthk/title_search_sp.cgi)
Please note a series of feature programme, entitled "History of Hong Kong Lands" and produced by the Land Registry in collaboration with RTHK, will be shown on the TVB Jade channel every Wednesday at 7:00 p.m. starting today until 15 April.
師奶話想睇下雀屎送俾我張賀年卡喎，但我冇相機係手喎。
咁好啦，就用scanner整佢出黎俾大家睇下啦！不過，d色或者唔係幾靚架，唔關雀屎事，係部機唔好唧！
雖然簡簡單單，但要逐幅剪，都幾係架。以我整咗十幾年自製卡送俾親友既經驗，都知一個人做咁多張卡係幾大工程既，其實可能最慘既都係Bibi，自佢識寫字以來就要佢寫晒呢d賀卡既上下款，分分鐘要寫幾十張，慘過罰抄呀！
我係由Bibi出世開始果年既第一個聖誕節開始做卡送俾人架，跟住情人卡、復活節卡….到後來做乜乜物物節禮物，沒完沒了。可惜當年冇話留底，如果有人真係有儲起既，依家都已經成為陳年古董咯。去到中學，仲整卡？Bibi都唔係幾啋我咯，頭果幾年仲肯應酬下我，整卡俾最專敬果幾位既。依家佢咁大個咯，邊鬼會聽我枝笛吖，所以我先得閒整聖誕禮物俾大家咋。
所以，收到呢d自製卡，我係唔會掉既。
上網翻查帳戶交易記錄，得悉早前寄出的Farewell蛋糕之款項已收迄。
原來對方托人存入了HK$3,875（約USD500），想我代捐USD150予在聖雅各福群會任職社工的陳炳麟先生，以資助他負責的「非政府資助老人服務」項目。餘數則是訂購蛋糕的款項。
反正都係捐唧，既然是這樣，倒不如將款項分為三份。把HK$1,875捐予老人服務，另外的HK$2,000，我打算把HK$1,000捐予奧比斯，又再捐HK$1,000予無國界醫生，功德完滿！
原不知做手作除了可以帶給大家歡樂外，還可以將之出售，並把籌得的善款助人。若不是當年四家姐的第一張訂單，亦不會引發連串的訂單，更不知道原來有很多人欣賞自己的作品(羞羞, 自認"作品")，又可以讓我過過捐款癮。"豪"完一次又一次，這可算是無心插柳的成果啊！
唔好問我呀，冇咗架啦，呢ｄ係舊野黎，早就賣咗啦！收返黎既款項都捐晒俾奧比斯架啦。
不過，有人想睇，我就再拎ｄ出黎俾大家睇下啦。
呢個係長方形小腳印朱古力蛋糕，飾以車厘子圈圈。
純白小狗朱古力生日蛋糕，配栗子忌廉及，飾以栗子球圍邊。
呢兩款蛋糕都好適合送俾喜歡動物既人仕，但做得太濫就唔經貴，所以係獨一無二既．
網上流傳這個改善頭痛之法, 未知是否真的有效, 盼有頭痛症狀的人去親身驗證, 再告之結果.
* * *
左鼻、右鼻之呼吸療效
我們有左邊、右邊鼻孔，吸氣、吐氣時有沒有一樣？
答：一樣。
其實不一樣，可以感覺不一樣；右邊等於是太陽的意思，左邊等於是月亮。
平常頭痛時可以用手把右邊鼻孔關起來，只用左邊鼻孔吸氣、吐氣，約五分鐘，頭痛就好了。
如果疲倦、累了，相反的關起左邊的鼻孔，只用右邊吸氣、吐氣，不用多久，馬上精神好起了。
因為右邊屬於火氣，比較會熱，左邊比較會涼。
女生大部分吸氣、吐氣在左邊，所以心比較會涼快。
男生大部分吸氣、吐氣在右邊，所以他們比較會生氣。
我們起床時，可以注意哪邊吸氣、吐氣比較快？左邊或右邊？
如果左邊比較快，覺得提不起精神，可以關起左邊鼻孔，用右邊呼吸，很快的精神會好起來。
這也可以教給小孩，大人用更好。如果你有警覺心的話，速度更快。
以前我曾經頭痛，痛得非常厲害，去看醫生。當時每天晚上都頭痛，沒有辦法看書，有吃藥，也不是辦法。
有一天晚上靜坐，關起右鼻孔呼吸，這樣子做，不到一個禮拜，頭痛好了！持續做了一個月，從那天晚上到現在，一次也沒有頭痛過。
這是我自己親身經驗過，每一次我告訴別人，你們頭痛的話，試試看，因為我的身體有效果，很多人試過也有效果。這是一種自然的處理，不像吃藥會有副作用，為什麼不用呢？
經常清楚的吸氣、吐氣，身體會覺非常輕鬆。
* * *
又不用吃藥, 就算無效, 亦不會傷身, 若真有頭痛, 即管試試也無妨啊!
