情人餐

情人節，大家都話要食情人餐。我既情人No.1就梗係Bibi啦！佢比較喜食雜糧，所以我就準備炒年糕啦。

材料：

鮮冬菰（切片）

草菰（出水開邊）

鮮粟米仔（拖水開邊）

蜜糖豆（拖水）

黃椒（切粗絲拖水）

切片年糕一包（分體浸水清洗）

薑片

方法：

油鑊爆薑片；放冬菰片兜炒；加入年糕、草菰、粟米仔；放醬油膏；加少少水及鹽兜炒；加蜜糖豆兜炒、加黃椒兜炒試味（不夠味可在此時加鹽）

若中途覺太乾，仍可加入少許熱水。

十分鐘左右就有得食啦，快、靚、正！

加埋呢煲冬瓜粒湯（未煮好既，煮好咗又飲鬼晒，冇影到。），就係我地一家三口既情人餐啦。