一過咗年，大家就陸陸續續學人浸桔仔啦。
今年已經係我第二年玩D咁野，以前成日要chi人地浸果d，過多一兩年，我就可以回饋大家啦。
我係用最傳統又最簡單既方法：
１．桔仔要連蒂剪下，洗乾淨佢，抹乾水份，再等佢吹乾；
２．用個乾淨玻璃樽，一層鹽、一層桔仔咁放，面頭ｄ鹽堆到上頂；
３．加保鮮紙，再擰返個樽蓋，標返日期，搞掂！
好簡單，但就要肯做，尤其係洗桔仔要認真，依家ｄ人種野都唔知會噴ｄ咩既，又有泥呢，都係洗得乾淨ｄ好。
上年我用大樽，今年費事買樽，用晒細樽，呢度有七樽。一樽唔裝得幾多粒架咋，但就方便送俾人。
沒有留言:
張貼留言