今日係正日，咁啱又收到呢ｄ相，就拎黎俾大家睇下啦！
喜歡狗狗既網友，一定睇得好高興．
如果佢地既狗主收到咁款既印仔，真係夠晒開心架！
2009年10月31日 星期六
2009年10月30日 星期五
萬聖節 - 魚缸
曾經有段時間，屋企成日都養咗ｄ魚，係爸爸既嗜好之一．
我就冇眼睇啦，佢最鍾意玩改裝，正正經經既水族器材唔用，大家俾足眼力去睇下佢用咗咩黎砌個魚缸：
黑色果舊，好似有好多只腳果樣呢，好似係沙宣既吹髮器其中一樣配件黎．
南瓜頭同南瓜屋其實係香薰爐黎，佢嫌人地唔夠多窿，ｄ魚捐得唔夠開心，仲走去開多幾個窿添！
見唔見南瓜頭上面仲有ｄ套房呀？係廚房用黎放鹽糖豆粉既兜兜黎，爸爸貪佢一格格，方便用黎招呼ｄVIP既．
藍色膠管粘住既，大家應該認到係十蚊店既收納膠兜啦．
見唔見右上角仲有件好似擦咁既野呀？係人地用黎磨手皮果Ｄ東東黎，我都唔知佢用黎做乜架？
魚缸前面，橙色果件東東呢，原本應該係用黎攝住只門既野黎，佢就用黎畢魚糧餵魚用．仲有Ｄ玻璃煙灰缸．．．佢買黎放鉗仔，魚網喎．
其實呢個魚缸左右，都仲有大大小小既魚缸架，右面咪有條好大條既花羅漢咯，見到未？
鬼咁撈較，總之就頭痕啦！好彩係唔駛我理既唧．
每次有魚仔出世，爸爸就多野玩啦，又用絲襪同筲箕做分隔，整個育嬰室，照顧周到，對人就冇咁好服侍啦．
就係因為佢養得小心，所以成日都有魚仔出產，送得既都送俾Ｄ同事啦，一竇竇既魚仔，佢地就開心咯，我就煩啦，又要帶佢地返公司分俾大家．
玩咗幾年，終於有日收手，放晒Ｄ魚，連魚缸都掉埋，安樂晒！
煮碟素齋去拜拜
重陽節，一早起身，要煮碟素菜去拜山．要簡單方便，材料如下：
冬菰，黃芽白，木耳／雲耳，雪耳，磨菰，素雞丁，薑片（其實放咩都冇乜所謂既，有乜放乜咯，只要唔放蔥蒜韭咪得咯）
冬菰：前一晚浸定，渣出少少水，加少少糖，撈勻，加少少粟粉撈勻，再放回少少冬菰水令之濕潤ｄ，用瓷碗裝住放入微波爐叮一分鐘（呢招係教煮素菜既導師教既）
木耳及雪耳浸半個鐘，令之軟身，沖洗後切成小朵
黃芽白數瓣，洗淨切成一段段約寸半長
我懶，用咗罐頭蘑菰，沖沖水，隔水備用
白果去殼去衣，用清水先煮五分鐘，加埋ｄ雪耳，木耳，素雞丁煮一分鐘；夾起白果，雪耳，木耳，素雞丁備用；再掉黃芽白入去ｄ水度，煮兩分鐘；夾起ｄ黃芽白；掉埋ｄ磨菰入去，滾幾滾，隔水備用．
其實我用黎用去，都係果寸零既水，唔駛好多架咋，最後先放磨菰，因為佢係罐頭貨，唔想有咩釋出既味道影響到其他作料吖麻．
步驟：
鑊內放油，爆薑片
2009年10月29日 星期四
陳年舊貨 - 大口仔
一時之間，好似冇晒ｄ鉛芯筆咁，唯有去地櫃度尋寶啦，果度放咗好多Bibi由幼稚園開始儲既用唔晒既文具．
居然俾我搵到枝好野，係大口仔呀！
咦，點解仲有一包仔野既？
原來仲有個凸凸地既貼紙添！睇真ｄ，佢好似著咗青蛙衫架喎！
2009年10月28日 星期三
你做得到嗎? - PG家長指引
傻爸爸拜山時同佢ｄ兄弟一齊傾計，姑姐考佢，問如果蹺起個嘴唇，可唔可以掂到個鼻喎？成班人都係大唔透既，一個二個都年近半百啦，仲咁玩既？
以佢地家族既遺傳，照計所有豬膽鼻咁款既，都做得到既．我坐得老遠，見到姑姐無啦啦，係度嘟嘴，都唔知佢地玩緊乜，我同Bibi就冇佢地咁好氣，一於專心睇書，好少理．
點知爸爸一發功．．．．
唔單止嘴唇可以掂到個鼻，連鼻孔都可以封埋！佢感覺上，今次呢個做大佬既，又叻返次啦．
計我話呢．．．就似哈囉喂預演多ｄ！力蘇上身就真！
好對唔住，俾ｄ咁核突野大家睇，係佢逼我post上黎架！
2009年10月27日 星期二
印仔六十八 － 我要做Model II
唔開過檔，都唔知ｄ中年鬼係好鍾意ｄLadyｄ既造型既．
Bibi話我娘爆既印仔，反而最賣得，冇計．今次就當係測試市場口味啦，或如果下次擺既地方，人流係年輕化ｄ既，咁又要改改佢黎遷就一下啦．
今次係另一另模特兒既造型
專登俾佢戴埋帽同拎手袋既
一路試印，一路改
終於搞掂！
2009年10月25日 星期日
2009年10月23日 星期五
廢物再生法 - 禮物袋
呢d係乜東東？ 哦，咪就係人地果d印咗舊地址，唔可以拎返黎用既廢紙咯！
摸上手，都幾爽身架，透透地，唔太薄，我仲以為係整白兔仔燈籠既馬拉紙添！睇真d一原來係洋蔥紙黎架喎！仲係來路貨黎添，乜咁冇陰功冇人要你地呀？
等我黎啦！裁走果忽唔出得街既部分，然後幫佢地化下裝，搽返d"胭脂水粉"，再將佢整成禮物袋．呢個係試驗品，冇QC到既，手工麻麻！嗄？做咩用粉紅色？因為所有印台都因為搞義賣活動，拎晒返公司，未回歸，得呢個色係屋企咋！係就係娘咗ｄ，咁都冇辦法啦．
拿！睇落都唔失禮呀．我將佢用黎包咗份小禮物，俾送呢d紙俾我果位朋友，佢都唔認得呢d紙就係佢地諗住掉既孤兒仔呀！
所以話唧，想掉野之前，停一停，諗一諗，或者山雞都可以變鳳凰架！
2009年10月22日 星期四
香港乳癌基金步行籌款
上星期日, 我老闆走咗去步行籌款, 支持下d婦女團體, 第日就拎咗一大袋野返黎俾我啦.
手帶, 手繩, 胸章，全部都係好Lady既野，步行當日，大會指定要dress in pink，唔知佢係咪就咁整件粉紅色Polo就算呢？
沐浴露, 洗面奶, 潔面膏, 消毒液, 止汗劑, 粟米片, 濕紙巾, 香水, 除縐及除黑眼圈既東東, 都咪話唔多樣化.
最重就係呢set護髮洗髮露啦，難為佢肯拎返屋企，再拎返黎公司俾我．雖然唔係樣樣都啱我，但都好多謝佢咁有心．
係公司，佢係我老闆，我係佢．．．．．．
阿媽呀！陰功！
因為佢成日都"Yes, Mum!"既．有時問我俾Ｄ咩佢食？我一時間唔知英文點講，就會話：總之就係有益食物啦！咁佢就會乖乖地食咗佢架啦．
2009年10月21日 星期三
印仔六十七 - Cricket Twins
除咗足球，網球，籃球之外，係香港七人籃球同木球，都好受外國人歡迎．
香港有個木球會，相信好多係度住既外藉人士都會知道，會費都唔平，又要朋友推薦．
有人訂造咗做呢對Cricket Twins，俾兩個小朋友，佢地既老豆s見到，一定好高興架啦！見唔見呀？我用咗爸爸辛辛苦苦鋸既木仔呀！
老豆s? 係呀, 佢地係來自兩個家庭架麻, 我仲知其中一個老豆, 玩緊呢種運動添!
2009年10月20日 星期二
2009年10月19日 星期一
紅豆朱古力
我都幾鍾意買零食架，dark choco尤其是啦，Royce同Godiva就更加難抗拒．聽講今回Royce既士多啤梨朱古力, 要等到農曆年前先出喎, 真係頸都長啦.
不過，我都經常買ｄ其他品種黎食下既，少甜既黑朱古力加埋原粒杏仁既，就比較少見，而且價錢非常便宜，只係十個零幾唧．
開黎食，味道唔錯喎，但唔覺少甜既？質地都幾滑，睇真ｄ，係我地由細食到大既Vanhouten金鷹朱古力呀！唔怪得啦．
再黎，就係呢款紅豆朱古力啦，又係平平地，十蚊咁上下．
開黎睇下，金光閃閃，都有成廿粒架．
拆開張包庄紙，面頭係紅豆味，底層係黑朱古力．
我就覺得用舌頭先食咗紅豆味果一面，再嗒黑朱古力就差唔多，撈埋黎食，其實味道唔係太夾．
呢ｄ卓頭野，又呃到我呢個傻人幫襯佢啦！
2009年10月15日 星期四
義賣後記
今次Charity Bazaar，好多謝幾位網友的支持，山長水遠來跟我打打氣，令我沒有那麼多時間拍烏蠅。但亦很抱歉，沒有時間跟大家寒喧，冷待了大家。
今次義賣所得, 一半會捐俾兒童癌病基金, 因為無國界醫生都好等錢用, 所以另一半收款, 扣除成本之後就會捐佢佢地, 做緊急既救援工作.
有過經驗，就知道原來有很多東東是不用預備的。禮物包裝可以免、木手柄亦可以免(大家跟本不會介意沒有手柄)。最重要的是：其實只得一個人看著檔子是不可行的，還好下午網友Pri來了幫手，情況比較易控制。
由於不切合市場需要，想不到我這個專做粘土的，賣出最多的反而是即席雕刻印章和最新研發的磁石書籤。有人聽完我的講解後，竟對著我的迷你手作說：Too mini!大部份的外藉人士都是中年或以上的中產階級，不會欣賞迷你手作，奈何。至於印章，因為雕刻需時，亦做不了太多。磁石書籤在外藉人士眼中，反而很對胃。可惜我做得不多，有些只做得一、兩個，很快便沒有人們想要的款式了。
由於九成的到會者都是英語人，我這個半桶水英語都攀不上邊的人，全日也沒說多少句中文。連鄰檯的中國人，都是全英語對白的，沒法子，只好自動調頻。
謹此，再一次多謝來探班的各位，除了給予支持外，還讓我有說說中文的機會。
還有，要多謝Donny爸爸的墨寶，拼搏可是出自他的手筆呢！
P.S. 今日有一單蝦碌事件，有人訂了印章，要求刻字，但銀包不在身，可能是另一檔的檔主，她要求在印章上寫“Book Club”，怎知當她回頭時，我剛刻好。但我知這是一個讓讀書會使用的印章，便想方便她，特意為她加上手柄（沒有要求額外收費啊）。她問我可否發出收條，我說抱謙，沒有收條（其實我真蠢，可以叫她直接捐款到兒童癌病基金讓他們發收條麻）。接著她便說回頭再來找我，怎知就此去如黃鶴。令我不單花了功夫，亦開封了一個新印台。只好阿Q地想，或者她是來逛逛的，買東西買得太高興，所以忘記了自己的訂購吧。
2009年10月14日 星期三
2009年10月12日 星期一
慈善義賣
為了這個Charity Bazaar，真的弄到天昏地暗。我只得一雙手，要準備的東西可多著呢！
除了安排租用場地外，更要著手製作各款印章、迷你粘土蛋糕及小物(好彩有批冬菰原本諗住拎去聖約翰座堂義賣, 但因為懶油顏色, 做咗一半停咗工, 冇拎到去, 依家就啱晒啦!)、書籤、心意卡及信封等等。我可不是一個摩打手，只好晚晚都開工啦！
至於大會要求捐出的一份手作，沒空再做新的，只好在自己私藏內割愛。最後一盆留給自己的紅掌，再見了！希望你有一個好主人。我到星期六，才為它找到一個合適的包裝呢．這麼小的一棵盆栽，真擔心人家說我小氣呢！
以為預備了上述物品便可以擺檔了嗎？可不成啊，接下來濕濕碎碎的工作才要命呢。
既要訂出備忘錄、入帳表；又要製作送給認購者的小小心意、打磨印章手柄（已奉獻了爸爸辛苦鋸出來的所有）；最令人煩惱的恐怕是預備包裝了。老實說，怎樣利用循環再用物料去將自己的產品包裝得漂漂亮亮，可不是我的強項。收過我郵件的朋友都知我的東東都沒有甚麼包裝的呢. 逼在眉睫，才在最後一個週末作出定案。
找找公司的廢料, 還有好些無人問津的Index front sheet呢, 早兩日見到影印房垃圾桶內的Index Sheet, 真的心痛, 怎麼大家連用來做草稿紙也嫌費事啊!
影印紙的包庄, 可不是好好的材料麼?
這是初步的設計, 加上大家拆禮物剩低的花紙, 還是到現場才執生吧!
雖然我的手作全都是迷你的, 原來加上各種用具, 要帶的東西，一個人是沒法搬得動的，只好向同事求助，懇求其中一位義士，陪我到梅夫人婦女會走一趟。(我還未開口呢!)
我的天啊！希望一切順利，不要手忙腳亂掛一漏萬，更不要一路坐冷板凳，門堪羅雀啊！
雖然我不是教徒，請為我祈禱！十月十五日, 不要在禱告時說錯日子啊!
兒童癌病基金網頁內所載之宣傳: http://www.ccf.org.hk/update.php
不知會否有人察覺此網站的呢?
訂閱：
文章 (Atom)