Bibi返港台同學會聚會，得返兩老係屋企掙檯腳。
又到爸爸大顯身手啦！昨日食剩ｄ飯，我知今晚要食炒飯架啦。
睇佢切咗ｄ素雞丁、薑米，拎咗兩只蛋。咦？乜有素瓜片既？
爸爸：ｄ青瓜分開炒定放埋入去呀？
我：隨得你啦。（都費事話唔好啦，佢想點整就點整啦。）
炒完出黎，爸爸成鑊放上檯。
爸爸：包你食過翻尋味呀！
我裝咗幾匙飯入碗，食少少，味道ｏｋ喎。賣相都唔太差呀，但係．．．．
我：乜你落咗蛋啦咩？
爸爸：弊！咁點呀？
跟手倒返ｄ飯入鑊，再入廚房加蛋又炒過。(冇所謂啦，都係我地兩個食唧．)
呢碟就係加咗蛋既青瓜素雞丁炒飯啦！
喜歡素食既朋友就不妨試下啦，咁炒法都唔錯喎，但要買幼身有刺既青瓜會好ｄ，因為佢會乾身ｄ．
沒有留言:
張貼留言