呢款係零食物語度買既，有榛子碎既，唔太差．
佢強調有鹽既，但唔係好feel到咸味．
樂天既出品，品質都有保證既，始終好懷念以前細個果陣食既Monchichi既朱古力，一盒入面，有好多隻唔同款既，細細粒既馬騮仔，得意又好食．
呢款呢，係軟心既，亦都係用果仁整既．
外層牛奶朱古力，內層係雜果仁軟心
食落都算幾滑
一粒就39卡，減肥既就真係諗過至好食呀．
Ritter Sport出咗好多味架啦，仲有大有細添．呢款呢，係同系裏面我比較喜歡既．
真係冇呃人架，入面同幅圖畫一樣咁多果仁架，幾正呀！
以上既朱古力，雖然都唔差，亦唔算貴，但以我既評級黎講，都只係B Grade既唧，即係食得過．
我終於都有一件呢ｄ玩具啦！
Lace Punch！恨咗好耐，從來都冇買過，因為太貴！超過一百蚊既玩具對我呢個大人黎講，係唔應該話買就買既．如果我縱容自己，就會墮落架啦．．．
但係今次，有人幫我買，而且唔駛一舊水，所以我就自己送俾自己一份兒童節禮物啦！係呀！巧立名目吖麻．
咁耐以來，兒童節禮物，我都係偶爾自己送俾自己既．我第一份送俾自己既兒童節禮物係十字繡既pattern書，十字布同繡線．
其實我都唔多識用呢個punch架咋，挪手唔成世呀．．．
My 1st trial，五角形，我懵到未壓得穿張紙就收手啦，所以做唔到完美既形狀，ｄ窿都未通晒．
到擁有咗呢件玩具之後，我就係度反省：到底自己有冇呢個實在需要，去擁有一件呢？雖然佢都幾好用，但使用率唔慌高，其實可有可無．無專業用具，我都可以用其他方法去代替，做出人地冇既設計，可能人情味仲會濃ｄ．
數數手指，原來還未夠數。唉～，只好繼續開工，今次做了一批北海道蜜瓜朱古力。
粉粉的青綠色，第一回覺得太淡，再加多點點綠色，這個剛剛好了。
用了另一種方法去捏，所以形態有異，連Bibi也看出來了。「怎麼這些會脹鼓鼓的呢？」對呀，我刻意這樣做的，方便自己分辨麻。每一粒也是脹脹的，像不倒翁似的，要反身也不容易。
這隻掘掘的手指，是中指來的，不是小指啊！
其實我做了這麼多，一定有偏差的啊，我每捏一顆，都知有分別，只是大家較難發現而已。
吃過晚飯，一坐就到十二點，好不容易將整糰走地雞蛋一樣大的粘土用完，不想放到明天啦，明天做，因心情不同，或許形態又變啦。問爸爸：「你可以數到這兒有多少嗎？」
黑心爸爸：「我說這兒起碼有一百粒！」又補充：「要我數都得，讓我每數一顆，按扁一粒，那就可以清清楚楚的數了。若不是這樣做個記號，怎知那一顆已經數過了呢？」「或者趁你行開，我一搥整扁佢，你估你到時你會怎樣呢？」
旁邊的Bibi笑爆了嘴，想想到時我的反應，連我也忍不住笑起來。
Bibi：「其實爸爸剛才所說的，正正是我一路想做的啊。」
我：「因為你是爸爸的女兒麻，所以變態。」
Bibi：「我也是你的女兒啊！」
我：「我才不變態呢，這可是你爸爸的遺傳啊！」
高危呀！兩個危險人物呀！就算佢地唔會專登壓壞我的東西，也會「不小心」倒瀉。爸爸就試過在日間倒瀉我的一盆待乾的士多啤梨，好不容易才拾起來。我事後當然不知啦，難道我會逐顆數一數咩？
至於Bibi咯喎，仲勁！將我剛上完堂，用仿真水整好晒汁料既中式點心，全盆打翻．我ｄ豉油呀～，我ｄ腸粉呀～，我ｄ咖哩尤魚呀～，我ｄ鳳爪呀～，我ｄ灌湯餃呀～，我ｄ魚蛋粉呀～．．．．仲要俾我親眼見到喎，真係喊得一句句架！
人家想讓Bibi有機會去開開眼界，送我兩張香港芭蕾舞團的票子，可惜舅公最近去世，翌日她又要抽身去大酒店盡後輩之禮，將會花去她大半天做家課的時間，實在沒空再去玩樂了，所以只好白白將寶貴的機會讓予其他人．
無論如何，衷心感謝有好東西會想起我的朋友！
看著Bibi失望的樣子，我只好安慰一下：來日總有機會看芭蕾舞表演的啊！
Bibi：就算有，也不是一次過可看到這麼多不同時代的舞蹈了．．．我長大後，定會自己去看芭蕾舞表演！
同場加映，豬瑩的填色大作 － 復活蛋，我當然第一時間張貼在工作間內啦！
還有這幅啤啤熊，送給熊仔迷就最適合啦！
Eva姐姐，你是否很歡喜呢？
萬寧今日最抵買係乜？就係呢隻新出既呀膏啦！只係$37.9唧．
但就送呢枝正牙刷，佢標價$19.9.
仲有，今日買滿卅蚊高露潔牙膏，又送兩個1.2L密實盒.
就算你當枝牙刷只值十蚊，兩個盒只值$7.9，咁枝牙膏都只係收你廿皮唧，仲唔抵？今日係屈臣氏都係賣緊$37.9，但就冇野送架．
我知道A-Maths叔叔星期六牛一，想話同佢慶祝下（其實係搵藉口帶爸爸去探下牛B唧），但又驚佢地自有節目安排，好似好打搞人咁．
行完花展，坐巴士途中，打去佢太太手機，冇人聽；打去佢屋企，又冇人應；唔通已經去咗街？咁直接打埋俾主角啦！咦，竟然聽我電話喎．
原先我只係諗住晚上拎個蛋糕去佢度切既唧，但當我拎咗個蛋糕，經過街市，又點會唔順便買ｄ餸呢？又咁啱俾我係樓下公園見到佢同牛B係度玩喎，問佢今晚食乜餸？原來佢地未預備架，有冇諗住出街食呀？湊住牛B點出街食呢！咁一於等我黎煮啦，我有餸架啦，你到咁上下煮定煲飯，等我拎ｄ餸過黎啦！
因為爸爸都去既，所以都會煮ｄ素菜，佢地又冇乜野唔食既，好易話為唧．我煮咗茶樹菰翠肉瓜炒小棠菜，旁邊果兩粒南瓜，係我專登蒸黎俾牛B既，如果佢係我地食飯果陣lur食，都有野佢歎麻．
今年花展，眾人媽打又有參加，雖然佢只係抱住觀摩既心去學下野，我都好樂意去捧下佢場．
呢盆就係佢參賽主題”英雄美人”既作品啦．好彩我地去到，佢仲係開得好靚唧．
佢想將王子同公主幸福快樂地生活既理念展示出黎，所以後面整咗個皇冠形既拱門．
唔記得影冠軍作品添，等我去偷一幅俾大家睇下：
我知點解我地ｄ相靚ｄ啦，因為我有爸爸渣機，可以由高角度影落去，唔駛隔住塊花晒既膠板．
另一款主題為”魔鏡”既迷你花藝插作參賽作品，我地就叻啦，影得仲靚過媽打自己果幅添！
呢個係冠軍作品，我個人就唔多識欣賞花藝既，所以覺得冇乜特別．
呢個係另一位參賽作品
全場至勁呢棵蘭花，又大又壯！
我地睇盆景既時候，見到有條甩咗尾既四腳蛇，呢ｄ係爸爸最有興趣既，佢又點會唔影至得架？
場內少不免有各組大形展景，係咁意俾幾幅大家睇下啦．
每次去花展，都見到中樂團既表演，學生們能多些機會作大形戶外演出，不失為一種實際既訓練形式．
我呢ｄ師奶，花就唔多識啦，驅蚊草係我必買既，貪佢夠肥夠壯，我老闆最鍾意佢既氣味，我試過種到un晒就掉咗佢，佢又lur我買過．咁好啦，種到下一個農藝展覽，又再買一棵替換啦．
跟住事必要去有機菜檔買餸啦麻，半島既有機茶樹菰梗係要整返兩包啦．只係$12包唧，雖然吉之島$9.9既份量都有呢度既兩倍，但佢地係志願機構，大家都應該支持下既．正如新生農舍出售既貨品未必平過其他有機地方，但我地都會專登同佢買，支持下ｄ精神病康復者．
有機紅蘿蔔，我專登揀呢兩隻既，見佢造型特別吖麻．ｄ人梗係話：做乜揀ｄ三尖八角架？批完都冇幾多食啦！如果係有機既，仔細ｄ洗擦乾淨，可以連皮食架，而且皮都好有營養既．
呢ｄ係橙黃色既車厘茄，現場有得試食架，但我嫌污糟，唔會隨便放野入口既．聽到現場ｄ師奶嬸嬸都話甜，應該都唔錯既，又買咗一磅．
阿姐見我冇同人爭，專登對我好ｄ，揀抽四正ｄ既俾我．其實大粒細粒都好味既，為咗俾大家睇清楚佢同普通蕃茄顏色上既對比，我又影幅俾你地睇下．
早上煮魚旦麵俾Bibi食，都放咗幾粒波子咁大既入去做配菜，煮好之後，成粒放入口（小心熱喎），咬開，ｄ汁幾咁鮮呀，果然係正野呀！入面係飽滿既果肉，ｄ核仲一ｄ都唔鞋口架．
