我未成年!

一晚，爸爸出咗去。Bibi呢，就沖緊涼。我自己一個人係廳度打機，突然有電話打入黎。

 

「喂！」唔覺意用咗細路聲，我以為係爸爸打黎添！

 

「請問呢度係咪１２３４５６７８既電話呢？」

 

將錯就錯，繼續呢把雞仔聲：「係呀，咩事呀？」

 

「呢度係乜乜公司，想同你地做一個電話訪問。請問你屋企有冇１８至６０歲既大人係度，可以做呢個電話調查呢？」

 

「冇呀。」

 

「全部出晒街呀？」

 

「係呀。」

 

「咁小姐，請問你滿咗１８歲未呢？」（乜佢頭先唔係問咗有冇大人係度啦咩？可能呢幾句係佢地指定要講既對白黎．）

 

我當然好無恥咁答：「未呀。」

 

「咁唔好意思，打搞晒。」

 

「拜拜。」

 

一放低個電話，爭ｄ笑瓜我呀！