做了一批薄荷朱古力，用上淺淺的綠色．（有ｄ大細超？是但啦，唔覺既！人手做架麻，係咁上下啦，我盡咗力架啦．）
嗄？俾你睇到有ｄ中間凹咗？包埋咪冇人知咯！
底部亦有認真的壓上細紋，真材實料，可得多花點粘土呢．
趁天氣冷，快快吹乾啊！
原本就這樣裝盒便算，略嫌單調．試用錫紙包起來看看，效果理想．倒像是真的可以吃的呢！
我是眾所周知的回收商，亦是半個朱古力迷，要用上不同的錫箔紙，可難不到我．
因為各張錫箔紙厚薄不同，包出來的效果也有少許差異，似乎Kisses果ｄ最合用．
無論放在手上，或是放入盒中，也蠻不錯啊！
別輕看這小盒子，容量可大呢！信不信由你，可有廿多顆呢！
我可不是個奸商，不會用無謂的間隔欺騙顧客．
總要裝到滿滿的一盒，剛好可封上蓋子才成啊！
原本是情人節精選來的，但功夫太多，爸爸說：這是你做的最不實際的成品，人家就算收到，不會覺得驚奇，亦不會知道你花了這許多功夫呢！
係呀，我計過時，用手揀一粒心心出黎，要成兩至三分鐘架，咁一晚又唔整到幾多粒咋喎．又要等佢乾，之後再包裝，最快都要搞兩日呀！
今年各位耆英家姐既母親節禮物有定案啦，上面果d都係大粒得滯，會再做細ｄ（一盒起碼都裝到卅粒啦），咁就整薰衣草朱古力同藍莓朱古力啦，粉紫色，仲靚呀！希望我完成到啦，已經發散人同我食ｄ朱古力紙返黎架啦！
但係．．．有冇再慳ｄ既方法呢？要做咁多粒，真係做瓜我呀！
沒有留言:
張貼留言