我有新玩具

最近買咗呢盒東東，話可以用係紙，木，石，其至布料都得喎．

其實我知佢既存在好耐架啦，每次睇完，都係放返低．我都知膠水係好難控制既繪圖工具黎．

但係見人地幅畫都幾得意吖，又唔係好貴，都好耐冇買過玩具啦，於是就執一盒啦．

呢ｄ係西餅盒入面既間格黎，如果冇污染到，我通常都會叫嬸嬸留起佢既，諗住教小朋友做手作都好吖麻．

我原本係打算用黎教粘土相架或者卡既．

試玩一下，了解下佢既特性先．．．

開頭就好似好乾咁既，我都冇用力，boot!咁就成pad噴咗出黎，大鑊！冇計，唯有搽晒個頂啦．咦，咁咪一陣就玩晒枝顏色？試下得唔得唧，唔駛嗞咁多既，用下其他色先．黃色嗞係紅色上面，乾咗之後竟然完全睇唔到添．吓！咁係咪即係唔得呀？說明書話要成半日先乾架喎，等咁耐．．．好心急呀．

人地話用風筒吹就得啦，我就一於用枝熱風槍炮製佢啦．嘩嗄，真係會突起架喎，完全睇唔到既黃色都出返晒黎．

我吹果陣其實未乾得透架，雖然都可以吹得起，但效果應該唔夠完全乾晒咁好既．

所以，玩呢ｄ東東，真係要好好耐性等佢乾透ｄ先好用風筒吹呀！