我自細就係一個暈浪專家，所以我熟知乜野係對暈車浪最有效既。
人人都話食話梅呀，薑呀之類既咸濕野，又話要搽白花油。開心大發現又話要咬手指公，有ｄ人又話要按穴位。
計我話呢，如果你冇咩特別病患如糖尿病等，一粒可以令你激增口水分泌既果汁硬糖就比較簡單有效啦。以我既經驗呢，千其咪用橡皮糖呀，死多二錢重架。香口膠亦都係唔work既，薄荷糖得唔得？效果會比果汁味差d。
我呢ｄ係先天性既缺憾，好衰唔衰遺傳咗俾Bibi，所以佢都係唔多坐得車既「白鴿黨」黎。冇計架，我地既耳水平衡係唔多健全既。
呢款霍士糖，獨立包裝之餘又存氣，一包有成150粒呀！家下百佳只賣$19.90咋，係咪超值呢？
我有同事既媽咪都係唔坐得車既，所以我都會偶爾買呢ｄ糖孝敬佢架．
依家呢款包裝，比罐裝既玻璃紙好得多啦，可以保質得更好．雖然只得四個口味，橙，士多啤梨，檸檬同黑加侖子．是但啦，都唔錯吖．
我初初見到既時候，諗住要黎派俾小朋友就啱晒啦，實在好好分架．
沒有留言:
張貼留言