首先，佢係第一日既比賽就得到跳遠金牌．初賽三次試跳，有一跳有三米七幾；決賽三次試跳，有一跳四米二四．真係估佢唔到呀！老實講吖，距離上一屆運動會到依家，佢全年總共就只係跳咗呢六跳架咋！從來都冇練習過既，所以俾佢拎咗個金牌，我地都打個突呀．
第二日既比賽，佢又走去跳高，平日佢只會跳舞，係唔跳高既．又俾佢攞到個銅牌返黎，真係對腳長ｄ有著數呀．
呢日，佢亦進身一百米決賽，跑下跑下，超越晒所有對手，順利拎到多一面金牌呀！爸爸就開心咯：做咩唔打電話返黎呀？等我地食pizza慶功吖麻！
佢就想啦，又想偷懶唔煮飯呀？
Bibi亦都有參加師生跑，又得第二名．問佢有冇牌架？佢話唔知喎，團隊既獎牌通通未頒，學校咁做，真係有ｄ奇啦，唔係頒獎果陣全部頒晒，等大家都可以高高興興既咩？Bibi話，師生跑，主要都係俾機會老師跑下，威下既唧，大家睇得開心咪得咯．
最後，佢又分別係女子甲組四乘一百同四乘四百接力得到銅牌．咁即係最少有五面獎牌架啦，係佢十多年既讀書生涯入面，從來都未試過一次過攞到咁多獎牌架．
今年紅社勁紅，連啦啦隊同社際飾物設計既獎都拎埋．Bibi既紅社在失落全場總冠軍十年後，今年終於得返呢個大獎啦！
沒有留言:
張貼留言