台北行 - 機場巧遇

今次出發班機係早上十點半，我七點鬆D就落樓下搭E33P去機場。

原本諗住自己隻身去既，爸爸又唔放心(因為我從來冇隻身一人到機場既)，同我一齊上車。好彩佢有黎，架巴士好多人，我秤住隻篋，真係唔知點算。車上見到有學生坐車去東涌返學，真係陰功，咁鬼遠路。

呢個世界其實好細既，雖然我地冇約定，我又係突然間要飛既，都係機場遇到人。我見約咗朋友九點半集合，依家先係八點半唧，仲有時間去飲茶喎。

Whatsapp一陣集合既朋友，話佢地知我已經到咗，佢地仲話: 嘩，乜咁早有鮑魚食呀!

機場既翠園，點心賣相比較精緻。

價錢亦.....

閒閒地一人食兩樣點心，加埋$16位既茶錢同加一，就百幾蚊落樓啦。

因為上機後都有少少野食，我地其實都唔駛食咁多野。所以我只多點了叉燒腸、棉花雞同埋潮州粉果。另外仲食少少佢地之前點咗，又未食晒既野，都好夠啦。

老實講，係度食一碟粉麵，真係唔算貴，普通價錢，可能碟頭會細D咁咯。

甜品呢，如果同我地係出面既甜品店比，呢度直頭平啦。

飲完茶，咁上下就同返D朋友會合啦，check-in時，大家既行李都只係八、九公斤唧。

今程既飛機餐係星洲炒米同盒裝烏龍茶，味道不錯。落機即排隊坐巴士去台北車站。

到站再落車搵間咖啡店坐低食D野先再轉車去下榻酒店。