日式咖哩撈烏冬

工作繁忙，我多數一個人食飯，放工返去又唔想下下食外賣，就會煮D簡單野。

半隻椰菜切粗條，雞脾去皮起骨，切成雞柳，用豉油、糖、鹽、胡椒粉、幾滴酒撈撈佢，再加少少鷹粟粉撈勻。

用薑片加少少油起鑊，爆下D雞柳，掉埋D椰菜入去兜下，加日式咖哩磚同半碗水(水既份量可隨意加多少少，視乎你想要幾多汁既唧)，煮滾後，確定D咖哩磚完全溶晒，放少少鹽調味，大至就煮好架啦。

用另一個煲灼熱一包烏冬，隔水後就咁掉入去，撈埋就食得。

出去食呀，有咁多餸俾你既話，包保你會返轉頭再幫趁。

所以我都留咗一盒餸俾爸爸，等佢放工返黎，叮返熱，自己淥包烏冬加入去就食得啦。

快靚正，又冇咁悶。