美女送來的午餐 - K-Roll

年初五，第一日開工，派完利是，做少少野都咋一聲十二點幾，有靚女whatsapp我問: 有野俾我既話，可唔可以放接待處？

嗄？點解唔順便同我逗埋利是唧？你玩下手下年都冇得逗架咯喎。

佢問我有冇帶飯，話可以打包D韓式飯卷我歎。

我心諗：唔通係你整既？咁就要試下啦，我盒飯可以留返聽日食既唧。

點知原來佢係去買既!

好大一個飯卷，呢款係素菜卷。

外圍薄薄一層飯，包住豆腐、牛油果、紫椰菜、生菜、蘿蔔、紅蘿蔔等等，加埋d脆脆春卷皮，口感豐富，正！

梗係驚我唔夠飽定啦，佢仲送咗盒十片庄既精美曲奇俾我，包庄上仲貼咗塊招財貓糖霜曲奇，滿滿既心意，不言而喻。

五款不同口味:: 杏仁、腰果、合桃、夏威夷果仁、朱古力

我即時食咗塊腰果味，都幾鬆化。



都係帶返屋企，等爸爸同Bibi都可以試下。