福賀

其實初初係貪得意，見到有個鬼佬送張中式賀年卡俾我，上面有呢個印章(1cm咁上下大)，就諗住都整粒玩下。

點知自己又老人痴呆，轉印咗兩次都唔知，要重複雕多粒又唔想，要搵過粒咁細既野去雕又煩，終於就用多出黎果粒練習陰刻算啦。

陽刻係比較花精神既

但出黎既效果就比較好

過年前收埋晒D印台，係得呢粒粉紅色擺咗係就手地方，是但啦，將將就就，用佢黎印俾大家睇就算啦。

陰刻果粒，俾我玩過就完成咗佢既使命，壯烈犧牲咗啦，陽刻果粒，我會送佢坐飛機，飛到遠方既幸運兒手上。