熊本朱古力曲奇

我知道有呢款曲奇賣好耐架啦，$129得廿片，擺到明係賀年版，要劏人既價錢黎。

我都有d好奇，到底佢有幾好，點解要咁貴?

呢隻熊人氣高，我知吖。

佢應該係當地既icon黎。

成份: 麵粉、砂糖、人造牛油、植物油、蛋、cocoa butter、cocoa mass、練奶、麥芽糖、脫脂奶粉、乳清粉、大豆蛋白、鹽、葡萄糖、膨漲劑、乳化劑、香料、酪蛋白、胡蘿蔔素等，都唔算係好優質既成份吖。

單薄既紙盒，入面分咗兩個膠兜，每包十片。

獨立包裝既餅餅，開出黎，食味不算濃，偏甜，唔係我杯茶。

我諗佢就係貴在下面呢樣啦:

盒入面除咗餅之外，仲有三幅卡紙手工，已經啤好咗D型，可以自己DIY，砌返隻立體紙熊出黎。

嘩! 好複雜, 唔睇說明書真係唔識砌.

幾經辛苦先搞掂, 可惜我裝磡果陣整花咗佢個下巴.

咁$129我就梗唔會買啦，呢個係超市標示原價既價錢黎。但我見佢特價$29.90，咁先買黎睇下佢咩料咋! 就當係十蚊買佢份手工材料，廿蚊買咗佢廿塊餅，份俾大家試下，都無妨既。