素食手撕雞

又一個素食好主意，材料簡單又可口。

涼拌菜式，靈魂在汁料，只要這一樣做得好，就會可口。

將糖、米醋、豉油混合(可隨個人口味調較)

師父教落，麻醬都係自製既好: 用白鑊炒生芝麻至微微金黃(保留一些在進食時用)，搗碎，再加橄欖油浸一下，就成為香噴噴的麻醬。

磨少許薑蓉、切少許蔥花，加麻醬及上述之糖醋汁，就成為人人食過都讚好的汁料。

雲耳浸好，除去較硬的底部，用鹽水略灼，再過冷河。

青瓜略刨皮，去芯切片，以鹽水加冰浸之。



雲耳及青瓜隔水備用




雞肶菰切片，再手撕成幼絲。(唔係我諗出黎既，都係多謝高人指點唧。)

用白鑊炒至軟身

隔去水份

食前將麻醬、薑蓉、蔥花及醋汁混合，

先加少許在雲耳內拌一下

墊青瓜在碟底

放上雲耳

把部份醬汁拌入雞肶菰絲

再放於雲耳上

然後把汁料平均淋在材料上

最後撒上已炒香的芝麻，真係食到耳仔郁。

用剩的醬汁及雲耳，我晚上再加新鮮青瓜及雞肶菰，用來拌灼熟咗既上海麵，給Bibi做晚餐。

夏天快要來臨，是時候準備清爽的食物，跟家人分享咯!