身體健康

我已經刻過一個身壯力健(印仔１４２　－　身壯力健)

今次就黎一個身體健康啦。

我其實係一個書法白痴黎，人地寫乜，我就雕乜，只係有時覺得有D唔妥，會略為修改一下先雕。

但係當人地寫草書風時，我就冇符啦。

好似今次呢個體字，"豊"呢部份寫成咁，我就唔識啦，唯有乖乖地照雕啦。

呢個我點敢造次呀? 冇咩要執，只係因為印得唔清楚，先印多次唧。

印多個餐紙版先，我一路用緊粉紅色，原因係懶，費事搵D印台出黎。

但錯有錯著，真係唔同種類既印台，印出黎既sharp醒程度係差別好大既。所以我雖然慳家，但都奉勸大家一句，一分錢，一分貨，想印出黎效果好，俾多少少錢買粒靚印台，係值得既。