來自猩猩的你

既然套韓劇咁受歡迎，我就玩下食字啦! 此猩不同彼星呀!

我最慳儉，冇人話宣傳品上印晒野既環保紙唔用得架喎，只要我當睇佢唔到，就可以照用黎畫野啦。

畫完咪一樣可以轉印到擦膠上。呀! 先多謝贊助我擦膠既朋友仔，我有好好利用佢地架。

認唔認得張貼紙呀? 我少女時代既收藏呀! 係咪覺得我D品味好奇怪呢?

我當年覺得佢好得意架，所以一直都唔捨得用，留到依家。

未整到個印仔出黎，都知佢天生麗質啦。

逢親見到D咁細眼既，我第一時間就要雕佢先，事關靈魂之窗好重要架麻，雕得唔好，成個公仔都會樣衰架。

因為太大工程，一晚做唔晒，又唔想搞到咁夜都唔訓，影響第二日返工既精神，所以都係留返第二日先整啦。 

又搞咗好耐，終於搞掂。

抹乾淨塊面，專登開個新印台黎俾佢剪綵。

嘩! 你真係好靚仔呀!

唔捨得晒咁多墨，所以印一次就算。亦都唔好浪費咗呢個第一印，直接係張卡上試印先。

順手油埋佢啦，雖然我冇咩正正式式既靚筆，但係用普通木顏色油下，都知佢有幾可愛啦!

你地鍾意佢著咩色衫呢?

P.S. 若大家有興趣參觀我製作的其他印章，可看這兒。