本立堂豬扒飯

係中環, 要食平靚正既野都唔係冇可能既.

呢間既豬扒飯外賣, 都算唔錯架.

打開個紙盒, 有豬扒一件, 溫泉蛋一隻, 時菜同一堆泡菜.

隻溫泉蛋係連殼既

因為嬸嬸早就買咗返黎, 驚個飯盒唔保溫, 就放咗上大水煲面熱住, 隻蛋既蛋黃都因而熟咗少少, 唔多流, 但仲好啦, 我喜歡食溏心蛋.

飯係珍瑖米煮既, 粒粒肥嘟嘟. 豬扒係煎既, 配日式芝麻醋汁, 幾好味, 又唔會太咸.

呢堆泡菜, 應該係紅辣椒加類似梅菜咁既東東炒出黎既, 又香又爽口. 咁多餸都好下飯架啦. 

唔好以為咁細盒唔夠飽呀, 食晒都已經好飽架啦, 平日我有食完飯食生果既, 但今日我連生果都唔想食, 就知佢幾夠份量啦.

間店係昭隆街尾, 近皇后大道果頭.

你估下呢盒飯幾錢?

$25!