3M Nexcare 荳痘隱形貼

係書展現場意外地買咗呢樣法寶。

檔主向我推介，睇睇背頁說明，即管買一盒俾Bibi。

24粒細、12粒大，平均$1粒。

我身先士卒，用一粒試下。貼上面度，唔留心睇，係唔多覺眼既。但如果大家介意俾人知道既，就臨上床或週末先用啦。

我第二朝起身，撕開粒荳痘貼，粒暗瘡既油脂粒就好輕易按出來。洗個面，再貼粒新既，日間塊面一D都唔覺有咩唔舒服，我間中都有掂下粒貼貼，表面係乾既。晚上再移開粒貼貼，暗瘡位置已經平伏。

粒貼貼中間變成白色，應該係幫我扯走晒D油脂啦。

睇黎，呢隻貼貼都幾駛得喎!

向同事推介，醒佢囡囡幾粒，都很管用，大家如有荳痘問題，都可以考慮試下架.