Fantastic Ladies Cafe

難得可以同Bibi拍拖，梗係要搵間新野試下，俾我上網搵到呢間係荃灣大會堂既小小咖啡店。

店仔細細，座位尚算舒適，閒日人客不多，好適合同朋友walk in。



餐牌選擇都算多，豐儉由人，連素食人士都可以在此用餐。

我地比較貪心，點了兩個不同組合既晚餐。白酒煮青口、蘑菰湯

田園沙律、蒜茸包、南瓜湯

德國咸豬手配沙律菜，原本人地係跟飯或意粉既，我地估計一定食唔晒，要求俾D菜就算。最後我地係打包咗D豬手返屋企，第二日拎黎淥公仔麵食埋佢既。

意式帶子蝦仁意粉，雖然蝦仁只係雪藏貨式，但因為加咗三色椒新鮮炒出黎既，都相當有誠意。$56既套餐，我冇投訴架啦。

泡芙

凍蜂蜜水

抹茶奶茶，綠茶粉放得太多啦，有點苦澀。

套餐包一杯$20飲品，點選貴D既，補差價就得啦奶昔特飲都只係$30，即係補$10就有啦。全日免收加一，埋單$164。



黎呢度食午餐或者下午茶都唔錯架，三兩知己悠閒地在此竭竭腳，很不錯呢!

原來屯門、元朗都有分號，有機會既，我都會去試下。