巷仔見

石板街果邊間大家樂裝修後，就切咗一忽出黎，開咗呢間麵館。我早幾個月就開始去食啦。

茶記格局，以大排檔摺dun做裝飾。

早餐其實唔貴，有人服務你，同大家樂咁上下價錢。

我最唔喜歡杯茶先到，但新場既話，又費事令人不便。公雞杯，多一分親切感。

呢一set野，$26；豬仔包有烘過，塗咗牛油，炒蛋滑，雪菜肉絲米，不過不失，奶茶亦滑，早餐既話，可以再幫襯。

下午黎，可以試呢d經典小吃。

既然佢叫得做麵館，梗有麵食既。

價錢唔算貴，始終都係中環。

白粥都要$18，唔係啦掛?

我應該唔會有機會黎食午餐或者晚餐架啦。嬸嬸情報話: 下午既蒸飯好難食!

油炸鬼$17，蜆芥鯪魚球$19，都唔知佢點定價既。

點知八月第二個星期，我就遇上佢地做推廣，派$3優惠券。咁我就試咗呢個魚柳餐，配炒蛋、半個芝麻包，加奶茶。減咗$3後，就係$23。

佢勝在夠新鮮，魚柳外皮亦不會太厚，件包亦係即烘的，好容易打低其他快餐店。