Crespini al Rosmarino (Ribbed Breadsticks with Rosemary)

嬸嬸都叻啦，竟然俾佢發現到呢盒極品!

意大利既麵包條，加咗迷迭香同海鹽，又香又脆。比起我之前係ThreeSixty買既$30一桶既芝士麵包條更好食。

外國既標籤同本地既標籤就係有唔同，人家建議食四條為一個份量。（計落7克一條，咁一盒都有成18條喎!）

而我地呢，就用齊頭數100克黎計算。咦，食晒成盒咁滯既熱量先至多過一個西式叉燒包喎！

冇色素、反式脂肪同防腐劑

仲係非油炸食品，適合素食人士，成份相當吸引。

睇下幾.....長.....

一Ｄ都唔硬，仲好好食添! 絕對係A+級產品。

見唔見到香草同海鹽呀?

而且價錢十分實惠，折實七個大洋一盒，係咪好抵呢?

係邊度買? 咪759咯! 

好可惜，暫時只係在西環見過佢既芳踪，中環(機鐵站、域多利皇后街)、屯門(碼頭、市中心)、葵芳(葵涌廣場)既分店我都去過，都冇。

如果大家有幸遇到，那怕要正價用十蚊買一盒，都萬勿錯過啦! 記住通知埋我喎!