月餅再作戰2014

奉命去買咸蛋黃，一早出中環碰運氣，上到嘉咸街頂，終於搵到間雜貨鋪，佢只得呢款扁扁既蛋黃，我買完兩包先覺得瀨野，好似要圓球形架喎!

覺得自己衰咗，都係唔好監硬用，放工再返屯門搵，好彩俾我搵到，再買過兩包。咁原本果兩包點? 唯有一包俾人，一包自己慢慢食咯。

好開心，我第二次黎做阿茂，人地仲俾我帶埋Bibi黎，成功進行親子活動。

今次我用多咗呢個模，咁實在係溫暖牌嘛。

呢堆就係我同Bibi攜手合作既奶皇月啦!

我地今次都有做冰皮，仲係四式添: 奶皇、紅茶綠茶、朱古力脆脆同埋紫薯。

雖然Bibi整到好多畸晒形，但都仲有D係好成功既。

呢D就係我地既成果啦!

我留返兩件佢既代表作，等佢第日食，其餘既就拎走晒。

送咗半打冰皮同半打奶皇俾舅母，又分咗幾粒俾我既好朋友，剩返呢兩碟，就俾各位同事食啦。

一件月餅分四份，手快有，手慢冇，小吃多滋味啊!

祝大家中秋節快樂!