價錢唔係太貴，亦想同Bibi嘗下唔同口味既菜式，所以就買黎試下。
主菜要在當日預早在電話上確認，咁我唔食牛既，基本上都唔駛揀啦。
又話甜品有得揀既? 但佢地話你地今晚既甜品係火焰雪山。
見佢離地鐵站唔太遠，我都有信心去到既。
又話食材如何如何，但實情真係差得太遠。
我知道要俾加一服務費，可能我買過太多團購餐啦，冇留意呢度竟然係加咗 "/位"!!! 咁即係變相價錢再高D(四人餐就要俾$144架啦!)。我原以為係$268+$27兩位用，即係除開$147.5，晚餐係百五蚊以內，係可以接受既。但依家要付$54服務費，就有取巧之嫌。
算，係我自己大意，我逗留期間，現場人客小貓三隻，實在都幾難維持，俾夠你$60又點話。
一坐落就俾咗樽加咗半片檸檬既清水我地，印象都唔錯既。
頭盤: 水牛芝士車厘茄(正常，唔通就咁切開粒蕃茄加D欖油都出事咩?)、英式烤腸(正常)、欖油香蒜蔬地海蝦(蝦頭都變黑啦，即係急凍之前已經不新鮮或之後處理有問題)、輕煎吞拿魚沙律(塊魚一D調味都冇既，就當清淡啦)；
蘑菰湯；以打碎菰磨煮成，可以，麵包亦脆。
香煎太平洋虎蝦及藍貝配香欖忌廉汁；縱使用咗忌廉汁去掩蓋，都蓋不住蝦的不新鮮，連蝦頭都甩甩離，其實佢既尺碼同基圍蝦咁上下大架咋，而藍貝(即青口)三隻，肉身只有五香蠶豆咁大粒，我地係超市買廿零蚊一大包既外國進口青口比佢起碼大三倍，仲要有砂。反而配菜及墊底既薯蓉係好食既。
焗釀珍寶法國大蘑菰釀黑松露配意大利飯；呢碟認真蝦我地唔識野啦，首先所謂 "珍寶法國大蘑菰" 只得半隻，菰傘已經打開晒既?乜唔係應該向內彎既咩?跟住當然係冇"釀"同"焗"呢回事啦!同佢宣傳既圖片出入差天共地。
唯一似樣既，係甜品火焰雪山；
侍應會將燈光調暗，讓大家看到火焰效果。
咖啡或茶，我地要咗西洋菜蜜同咖啡，但杯咖啡冇乜味既。
俾埋佢地既餐牌大家睇下，以廠廈食店來看，咁既食材質素，收取呢個價錢，真係好難會有回頭客。拎住三百幾蚊，去Rustico一定好得多。
呢次係一個好令人失望既團購餐，徹徹底底既失敗，不單做不到宣傳效果，亦不會有回頭客，試問生意如何守下去呢?
食物同價錢無一可取，唯一可取的，是給了你一個寫網帖的題材！
回覆刪除係廠廈要殺出一條血路，殊不容易，既然拎到資金出黎，就要做好佢，做得團購，就係要打響個名，想靠口碑、有回頭客。佢地咁做，係自己倒自己米，叫人點幫佢呢?
刪除