美好的一天由早餐開始 - Cafe Landmark

雖然成日經過，我一路都冇幫襯，無啦啦又冇諗過去呢度食野。

好友相邀，同我來個早餐聚，一於奉陪。

呢度既早餐，同集團式既茶記比，只係貴一倍多D，其實都相當親民。

最貴果份早餐，只係百四蚊，有埋餐飲、果汁、多士果醬等，一D都唔貴。

我地點咗紅蘿蔔汁同橙汁，咖啡都係無限添飲既，一D都冇欺場。

檯面預早放咗蜜糖、橙皮占同士多啤梨占。

俾你塗多士食既。



朋友點既煎蛋白配煙三文魚

我要煎魚柳配木瓜，塊魚真係相當好味。

坐咗成粒鐘，過咗個開心愉快既早晨，跟住返上公司搏殺。

兩份早餐，連加一都唔駛$250，我相當滿意。諗起上次同朋友去斗記飲茶，呢度真係平得多啦!

以後同Bibi拍拖又多個好地方啦。