Strawberry milk and white chocolate + breakfast biscuits + Khong Guan Sultana Biscuits = 759購物樂

趁住食晏時間去濕平，竟然有康元餅乾! 好開心，係呢度買一定比超市新鮮，而且佢地已經好少係超市上架，仲咁齊全添。可惜冇我好懷念既安樂梳(一種好厚既梳打餅)，佢雖然樣子醜陋，但真係好好食架。或者依家D人唔多識欣賞，所以就算有呢個品牌上架，都多數唔會有安樂梳。

有我喜歡既提子餅(@$7.7)，都已經好唔錯，即刻執兩包先。

之前買咗早餐小曲奇，我都係食一包做早餐既，可惜已經賣晒。見到有呢D新既早餐餅乾(@$9.6)，又買黎試下。好似有四款口味，我冇買紅梅，驚會好甜。

香橙乾果

 

朱古力

 

蜜糖果仁

 

貪佢冇防腐劑同人造色素

 話晒都係五穀製品，高纖。

雖然唔肚餓，都忍唔住下晝開黎試下，一盒四包，每包四塊，質感算唔錯，亦唔太甜，有香橙味，亦食到少少韌既乾果，係B+產品黎。



跟住開埋呢盒士多啤梨牛奶白朱古力(@$7)，其實我對白朱古力一D好感都冇，但見佢咁既組合，又想體驗下。哎吔...... 講起，我好似早輪開咗盒朱古力未食晒喎......

白朱古力竟然佔四成

開出黎都幾大粒，好似粒扁扁地既麥提莎。

最外面係好似聰明豆既糖衣，跟住係朱古力，最裏面係牛奶糖。真係估佢唔到，仲以為入面全部係朱古力添。

呢張就係我既購物收據，咁我又點止買上面咁少野吖，仲買埋蝦餅同烏冬添。

有折係買得開心D既!所以後來我又再掃多四盒餅，懶得去買早餐既話，就食佢啦。