Dinner @ Ant One 一品螞蟻

呢間係爸爸提議黎既，佢約咗人係葵芳地鐵交收太陽鏡，咁我地就一齊黎呢度食晚餐啦。

我好少黎呢頭，所以都花咗少少時間先搵到間野。

Bibi一早就黎咗攞位啦。

呢度似乎出名食鐵板餐

其實我唔係好肚餓架咋

散吃同叫套餐差不多價錢

所以都係叫咗三個餐，反正我有餐盒係度，大不了就打包啦。

餐湯夠熱，包亦軟熟。

爸爸既咸豬手

我既黑豚豬扒煙肉露筍卷

Bibi既帶子煙肉卷雞扒，果粒帶子蚊型既(直徑都有一毫子咁大掛?)，仲要得半粒，似乎過分咗D，同佢餐牌既圖片差得太遠啦。塊雞扒又唔值咩錢既，咁就收百幾蚊，認真唔抵。

餐飲要咗凍檸茶、熱檸蜜同熱檸水。

呢餐食咗三百幾蚊，我就情願幫襯街坊小炒啦。