今日由我操刀，為呢隻火雞進行分體儀式。
兩個大薄餅、雞翼、咖哩牛腩
火雞雜菜沙律、雜果沙律、炒蘿蔔糕、蒜蓉炒菜心、
魚肉燒賣、燒味併盆
泰式併盆
肉醬意粉、白飯、黑椒燴雜菜、火腿併菠蘿
炒飯、炭燒豬頸肉
金沙骨、金菰牛肉卷
食咗半個鐘，大家都已經飽晒，再作戰十數分鐘，所有人都投降。
好彩我上星期買咗幾盒保鮮袋未拎走，就奉獻出黎，各位同事合力打包食物回家。
我第一個話要白飯，分咗三個人拎火雞，我要咗檯面切咗食剩果D火雞同幾件火腿、黑椒雜菜、可憐既燒味併盆，除咗叉燒之外，好似冇乜人對佢有興趣，咁我就拎個盒裝埋佢走啦。
夜晚返去，爸爸就食飯加菜、燒味同火雞、火腿。我就全力砌低D火雞胸。睇怕呢Ｄ剩餘物資都要食幾餐先食得完。
華~你就好啦~有得開聖誕party~~~~
回覆刪除仲有得打包添~不過唔包又好浪費既~
呢D打包返黎既野，爸爸稱之為把炮。即係人地認為把鬼既野，我地要當寶，好好地食埋佢。所以我從來唔介意打包，始終珍惜食物係好事黎。
刪除我地後生時，咩都可以用黎做開P既藉口，只係依家年青一代都比較唔願落手落腳做，最好咩都係現成既，就冇咁好興致搞聚會啦。