爸爸的保麗來Polaroid

爸爸有個癖好，就係買太陽鏡。尤其係Ray-Ban，亂咁放，我都唔知佢實際有幾多副，反正我覺得副副都差唔多架啦。唔見咗又話要買過一副，成日經過眼鏡鋪都話要睇下。講到尾，佢都係覺得自己戴咗副超型唧。

拜完山經過大本型商場，食完野又去買眼鏡。搵唔到心水雷朋，反而買咗呢副保麗來。

一鏡三用，事關一個鏡架配備咗三對鏡片。

太陽鏡、平光鏡、夜視鏡。

貪得意，裝上唔同鏡片黎戴下

包保你即刻頭暈

佢既太陽鏡可隔絕反射光，即連太陽射去水面既反光都可以擋埋，最能保護眼睛。可惜佢咁勁，就會連液晶體顯示屏既顯示都隔埋，所以係睇唔到巴士收費器同吊機既儀錶板讀數。

夜視鏡則可擋晚間強勁車頭燈及街燈既光暈，駕車會舒服D。

因為設計成弧形，平光鏡就可以用黎做擋風鏡，哎吔都叫做有D用既。