午餐 @ 大喜屋

係FB見到同事黎呢度食，好似幾多選擇咁喎，就約朋友黎試下。

訂咗位，一坐落，未點菜就預先上定麵豉湯同沙律，認真高效。

A、B、C都可以揀一樣。

我地要咗1 & 2，超厚刺身。我開始有D驚啦，事關.....

朋友既網燒和風牛扒 

我既刺身盛，又黎? 係，真係太多，我叫咗佢唔好俾蝦我架啦。我地兩個都要咗五香壽司飯，D飯入面有菰粒、酸薑等，我配咁多魚生，都係要白飯好D。真係食唔晒，叫人幫我食件三文魚，大件到要咬開兩啖先食到。我從來唔食生蝦既，勉強啪一隻，剩低一隻真係無能為力。

飲品我要咗蘋果茶，都唔錯。甜品就係黑芝麻雪糕，咁飽，點食得埋吖。 

其實呢度都有放題食架，二百零蚊，唔算貴啦。生日優惠，訂六位或以上有一板海膽或者米酒送。

順手影埋餐牌你地睇下。

其實食放題又唔駛太多野食既，主要想食既都有就夠架啦。