平安夜宴

下午公司開完party，玩遊戲得返黎既$500，就拎黎食飯。

其實我都唔多肚餓，帶埋個朋友，加埋爸爸三個人食咋。

近近地去屋企樓下食就算，呢度閒日食晚飯有乳鴿送。

我地點咗魚香茄子煲，夠晒鑊氣，味道很好，只係太油。

果皮蒸黃立倉

啫啫唐生菜，略咸

清湯牛蔔腩，我既然唔餓，就由得佢地叫D我唔食既野啦。佢地話好腍，好味道喎。

叫咗兩碗白飯，我要咗少少飯，加埋糖水，茶芥，埋單只係三百幾，好抵食。