香蔥小餅乾

依家去759成日都搵到新野，好多新上架既貨品都未黎得切標價，只好拎到收銀機處先問價，有時人龍咁長，其實都幾唔方便。

呢包東東幾特別，又係唔知價錢，但我睇到佢係波蘭出品，咁就貴極都有個譜啦，唔理啦，拎返包先。

現場所見，都有好多人拎起咗包野又放低，雖然你好多客唧，咁D貨去得越快就越好吖嘛，下次都係應該有埋價錢牌先上貨會好D，又唔阻得幾耐既。

見到圖片面頭咁多綠色既碎碎，仲以為係香草。

睇埋側邊，先知係蔥。

開出黎，真係好蔥味，少少咸咸地，只係好淡既咸味，用黎放幾粒係洋蔥湯或忌廉湯面都唔錯既。

包野幾錢? 折實$6.20，一D都唔貴。我拎返公司，每人分四至六粒，自己就食咗兩粒，咋一聲冇晒。