滑蛋蝦仁飯

爸爸要食滑蛋蝦仁飯，屋企冇綠色菜蔬，咁唯有切啲南瓜粒同粟米粒撐場啦。

蝦仁沖洗後開雙飛，我用魚露同黑椒黎醃，其實鹽同胡椒粉都可以架。我用一隻蛋，偷咗d蛋白加入去d蝦度，等佢滑d。剩低既蛋就打成蛋汁備用。

蒜片、乾蔥片起鑊。

先爆炒蝦仁，想香d可以贊酒，半熟就可以畢起。

頭先炒蝦已經放過油，所以我就係鑊度加熱水，放埋d粟米同南瓜粒入去，煮一陣，南瓜粒咁細，好快腍既。 

加少少鹽調味，用生粉水打個薄獻，再將蝦仁回鑊。

差不多熟，就倒埋d蛋汁入去。

就咁畢上飯面，就係爸爸既晚餐啦!