除夕韓燒

除夕倒數，Bibi要返工，一於飛爸爸，約另外兩個俏嬌娃去拍拖拖啦!

呢間係新翠村既八道，假日前夕，7:00-8:45，$138一位，好似冇加一。

自助汽水機、熱水、中式老火湯、雜菜湯、糖水，適隨尊便。仲有數款小吃: 麥樂雞、咖哩角、咖哩魚蛋、豬紅等提供。

肉類款式可算齊備，味道亦不錯。

勝在蔬菜類都豐富，而且尚算新鮮，添貨亦快。翠肉瓜、南瓜同金菰都好好食。

另一個架有甜品、沙律、泡菜同生果等，我就冇興趣啦。

先飲啖湯，都OK架。

黎幾粒魚蛋同豬紅。

有俏嬌娃一齊，就有人侍候啦，認真幸福。佢好聰明，先放塊薄餅墊底，再放魚柳上面咁就唔會烘燶D魚，又唔會粘底啦。

我地都夾咗好多蔬菜食

佢地極力推介豬腩肉，真係幾好食喎。

雖然個零鐘唔係好耐，但都好夠飽架啦，我地食咗一個鐘，已經飽晒咁滯。

燒烤期間，如果覺得塊板太燶或者粘底太多，可以請D姐姐黎換過一塊既。叫D姐姐幫手換氣，佢地都好好面口，唔會俾面色你睇架。