Jelly Beans

唔知大家同啫喱豆熟唔熟，我呢，佢一上市已經係我既朋友黎。都識咗佢幾十年咯，Bibi細個果陣我間中都仲會買下既，近呢十年都冇乜再買過，冇咩特別吖嘛。

我一向係食開明治Poifull紙盒裝既橡皮豆既，佢同另一隻鬼佬啫喱豆好唔同，會冇咁厚皮，亦冇咁死甜，而且煙韌得多。仲間中出下唔同口味，令你提起興趣去買。

大家睇真D啦，呢包係Kasugai黎，呢個品牌一向出橡皮軟糖既。廿幾年前，佢曾經風靡OL界，各款水果味既獨立包裝橡皮糖，引到大家食唔停口。我曾經訂過一大批返黎，倒晒出黎，用果籃裝住，巡迴公司，俾人任意一手挪得幾多得幾多，氹到大家好開心，做快佬都更爽手。

啊.... 我做得零食專家既，自然有sponsor架啦，你估我做o靚時搵好多錢咩?

為咗懷舊一下，明知唔會有咩驚喜，都買返包啦。家陣出既包裝都有保鮮存氣口架啦。

打開都算幾多下，而且襟食，食親呢d東東，就諗起哈利波特既怪味豆。

85克有咁多，都好足秤。

隔離左右唔駛客氣啦喂，鍾意就食d啦。

我都係想緬懷一下往惜，先執包返黎玩下既唧。