迷你珍寶珠 Mini Chupa Chups

同皮禮士糖一樣咁上下年紀既，有佢:珍寶珠。

初頭上市時只得幾款味道，後尾整整下，先走出咁多款式出黎。我呢，細個果陣淨鍾意士多啤梨撈雲呢拿味果款。

佢後來出咗好幾款新口味，有d仲有埋香口膠係入面既，連出奇蛋條橋都用埋(珍寶裝，有玩具既)。依家又出咗迷你版，咁都未夠特別，引唔到我既興超。但出到Smoothies咯喎，咁就俾佢打敗咗啦。

唔怪得超市俾人排隊既位都擺滿貨啦，企係度頭噩噩等緊時，係最佳sell野時機，我就係咁發現佢地，忍唔住買兩包返公司氹下大家。

15枝其實唔多既，分下分下就冇架啦。

我梗係要先啪為敬，嗒返枝啦。