紅豆牛奶餅

在美食博覽購入的戰利品: 紅豆牛奶小餅乾，$10三盒

一盒兩包，錫袋密封．拆開一包，沒有一粒是碎的．



好可愛的骨頭形狀

脆口但不覺熱氣，如嘉頓手指餅的質感，入口一陣香濃紅豆味又不太甜，頗像紅豆雪糕．

以這個價錢買入，認真超值，其實每盒收十元亦不為過．

順道介紹這款同系燕麥字母餅

這是我的示範，當我把它送給公司的森麻仔時，他也表現出有點驚喜呢！我相信生產商是有把廿六個字母都焗製出來的，但可否砌出你需要的字詞，就要看看你的運氣啦！



早在廿多年前，康康超市已出了自家品牌的字母小餅乾．想當年，我買了許多包字母餅，抽出要用的字母，組成句子，用錫紙把每組字母掉亂次序包好，再用小盒子盛著，包裝成禮物，送給荷蘭來的朋友，並囑他們在機上才拆開．相信這份小心意，一定為他們帶來一點點的驚喜，亦永遠記得香港這位長髮女孩給他們的祝福．

Holly Webb - Rose

最近借咗幾本呢個系列既兒童讀物，Rose and the Lost Princess、Rose and the Magician 's Mask、Rose and the Silver Ghost；全部都係俾九歲或以上人士閱讀既。我但願自己都有讀得通所有書中生字的英語能力，有很多詞語都是我日常生活中比較少碰到的。e.g. 閣樓，我地多用attic，但書上就用garret。睇完，我真係又學多咗生字架。

我第一本係借咗Rose and the Lost Princess，佢應該係呢個系列既第二冊黎。我睇落又覺得唔太差喎，唔算悶，亦都唔算太低能仔劇情，可以接受，就走去借埋書架上另外兩本啦。

接住，我就睇Rose and the Magician 's Mask。睇呢本書，我搞咗個幾星期。點解? 咪成日出出入入掛住打機咯，所以少咗時間睇書。返到屋企又要煲劇，邊得黎咁多時間呢? 連手作都少做咯。

Rose and the Silver Ghost係蝴蝶村公共圖書館搵到既最後一本黎。呢本將會揭露主角Rose既身世。

上網查查這系列的故事到底有幾本? 郤發現了作者的許多相片，原來她很年青而且多產，寫了很多故事書給小朋友。

我已經預訂第一冊啦，遲啲睇埋佢先!

十勝紅豆的滋味

多天沒能搭上村巴，上週終於趕上了，就遇到剛買了月餅回家享用的街坊，還有幸分到一個嚐嚐。是今年東海堂的重點推介，十勝紅豆金栗呢!

西芹炒魚柳

有日，嬸嬸醒我兩塊魚柳，加一樽愛心咸菜胡椒豬肚湯。

五星級大鼠(一)

終於都提起雕刻刀，就做一個簡單一點的吧。

這隻小鼠很對眼緣，一看就想用他來做印章了。

有朋自遠方來

一位舊同事回港探親，相約午飯，聚聚舊．

Egyptian Red Lentil Soup 中東蘭度荳茸湯配餐飽

VegetarianÊs Abalone with Garden Salad
素鮑魚雜菜沙律伴蜂蜜芥茉汁

Arroz Pilau ou Mouro
澳葡特色推介~嚤囉雞

Pan Fried Fillet of Roughy, Creamy Mango Sauce
香煎金獅魚柳伴鮮芒忌廉汁

Chocolate Mousse Cake
朱古力慕絲蛋糕

Vesuvio Coffee Bean
100% Arabica (Double Roasted)　即磨咖啡

物價高漲，五道菜的午餐，只要＄９８，亦不算昂貴．

朋友很客氣，送我一大桶腰果

足足兩磅半，可佔了她很多行李重量呢！



可真是物重，情義更重啊！

牛頭答馬嘴 - 冰鮮雞

對王貽興寫既文章冇乜期望，但難得老少聚頭，就拎黎睇下。

唯靈看來年紀相當大，但實在沒比我大多少年。能夠成為公認的食家，自蘊涵幾十年功力。

在書中我讀了這一篇，比較實際，相信亦適合大家做個實驗，為家人帶來一點口福。

蕉氣勃勃

朋友到日本公幹回港，送我好吃的點心。

香蕉味呢！Bibi的至愛口味。可惜食用日子太短，等不及她回來享用了。

很可愛的軟綿綿蛋糕

刻意弄成香蕉形狀。

包著蕉味濃郁的如忌廉幼滑的餡心。



一口咬下，可滋味呢!

終於去得成既美食博覽

雖然今年一只騾仔去左美國，另一只騾仔又要開工。但我早就攞定假，約左細家姐齊齊濕平。
呢個颱風啟德咁玩野，來去匆匆。之前俾佢嚇餐飽，搞到我以為冇得去，要銷假。點知佢一個屈尾十，又偏移左去澳門，風平浪靜，我梗係一於取消銷假，照原定計劃去馬啦!

我地先上樓上三樓逛逛，通常啲人都係集中去一樓掃貨先既，買完都冇手再拎野，就會放棄上去睇野架啦。經上年既經驗，先上三樓，一來人少，行得輕鬆，二來又唔駛買咗太多野之後再去貢。

預先都有做功課，好剋制咁只買心水貨品，同家姐分好庄，再戰一樓，花咗好多錢，買得好爽。

事前我都預咗唔買罐頭同玻璃樽架啦，但係咁意都買少少啦。$50三罐大午餐肉，分一罐俾家姐，蝦醬都想買，但只買一樽細既，$15。

$20兩包菰菰，抵食，分咗包俾嬸嬸。



$120兩包頁丸，一人一包。

$18包位元堂阿膠琥珀核桃，唔知好唔好食呢?買包捧下場啦。

花生味及鍊奶味桃哈多，$10兩包

金梅片，$10兩包

每次有食品展必買既士多啤梨乾，$60六包。

呢D糖糖冇乜平，$11兩包，但我想食。又唔重，買!

呢啲土耳其杏脯，味道純正。$50九包，唔買對佢唔住。

$115五包張榮記蝦子麵，係放係公司看門口既好野黎。

好特別既酸梅子薑，都幾好食架。$20三包。另有糖薑同黑糖薑，都幾辣下。

冠軍蕃薯，$10包，俾咗家姐，但我達咗一條。

呢檔呢，我買咗二百幾蚊，因為品質確係好。左邊既杏脯，鮮嫰味美，右邊既雜莓純正天然。買黎大家食下就夠好啦。



Galler朱古力，都唔駛多介紹啦，85%，必買之選。$35。

呢D係我幾鍾意食既脆卷黎，$28。

$10三盒既小餅干，選了紅豆牛奶味及燕麥味。

台灣薌園既產品，亦都係品質保證。$60三盒，我諗住用黎寄去日本，貪佢夠輕。

士多啤梨清涼糖，真係幾好味架。$15一盒。

土耳奇開心果，$15。

呢包係贈品黎

麵豉湯，一PACK 12包，$10。

此行尚有重要任務，幫同事買月餅。美食節價，用匯豐卡，六折再九五折，我順手買張俾以前湊Bibi既嬸嬸。

原來買滿一百蚊可以試食一個dip dip冰皮月餅架。我買咗二千幾蚊，個店員先俾兩張試食券我地，實在太欺人啦! 當我去試食果陣，聽到佢地猛咁宣傳，滿一百就食一個。咁我咪開口問點解我買咗二千幾蚊野，你地只俾兩粒我? 後尾佢地叫收銀處理一下，佢好晦氣咁俾多兩張券我。其實佢呢D迷你月餅仔，有好多口味架，我見我地又唔食得咁多，亦都冇同佢地力爭。見身邊有個小朋友係度望下望下，我就請佢食，跟住拎兩個膠兜套住一個打包，留返俾四眼妹。



原來買每滿一百蚊，又可以加$3換購一盒四條庄既蛋卷。我地係咁意換咗五盒就算，驚拎唔到。原來都幾好食架!

老人家較愛奇華，所以亦都要幫襯埋呢間買月餅。折扣比較少，得八折咋。



專登帶左保溫袋，諗住買韓國雪條既，最終都係負荷過重，買唔到啦。



冇計，力量有限。其實好想買多啲分俾大家既，酸梅薑同細包杏脯都係市面少見既，早知就買多啲啦。