冇得學雜貨, 海味, 少少地, 學人整下花菰都好啦!
居然有人話呢d係屎.... 太大打擊啦!
紋要幼細, 先似架, 逐粒鉗住黎油 (唔鉗實會飛咗出街), 辛苦就唔在講啦. 未油晒, 手指已經因為長期繃緊而僵硬, 仲痛咗好耐.
等緊 "曬" 乾! 鏡頭遠景果d就同實物差唔多大啦.
我比較醃尖, 見唔見到呀? 反轉只花菰係有少少冬菰蒂既. 個膠袋係新畫筆果條包裝袋黎.
哈哈! 呢d就係我今年母親節時送俾家姐同嫂嫂(每人一斤頂級靚花菰)既母親節禮物啦! (一定要盡量做細d, 搏佢地老花唔夠眼, 用埋放大鏡都搵唔到破綻!)
你地見到既, 已經比實物大好多好架啦, 人手邊有咁大隻吖, 你估我係姚明咩!
沒有留言:
張貼留言