12/10，今朝未夠六點就醒啦，賤命呀！放假都咁早醒，咁唯有睇住本小新漫畫先啦。不過梳洗完畢，我地都成九點先去大家樂食早餐。食完就叫Bibi返屋企溫習，我同爸爸就去圖書館。佢月尾就要交中文閱讀記錄，跟張書單同佢搵咗幾本書：林順潮既窮小子.傑青醫生、賴東進既乞丐囝仔、阿濃既童眼看世界、吳宇光的小小留學生，希望佢啱心水啦。另外，我仲搵到一本全新既書：美女專屬 : 淋巴排毒瘦身 = Lymph dra，見裏面咁簡單，咪即管借埋佢返去咯。
去完圖書館，又走去吉之島超市，執咗四袋功德林既素麵、三盒仔有機豆腐、三盒甘大滋、拉麵、米線、珍珠雞、鮮竹卷、糯米燒賣、一盒皮蛋、一盒有機蛋。幾大抽野，仲要再去西鐵站新生農舍買有機菜。買咗菜心、迷你薯仔、五衡湯包、南瓜，咁又冇咗百幾蚊啦。
素麵
新書
大過鵪鶉蛋少少既迷你薯仔
可以增強免疫力同降膽固醇既五衡湯
沒有留言:
張貼留言