意外驚喜?

無啦啦老闆話約咗個客五點幾，冇晒會議室，咪帶佢入咗間吉既律師房咯。

 

人未坐定，個鬼就話有野送俾我。唔係啦掛，咁客氣。佢仲同我講係日本香水黎，律師Daisy都有份。我唯有多謝之後就收咗佢啦。

 

無耐，老闆叫我召Daisy入去，我預先知會佢：個客帶咗禮物送俾你，一陣你咪尷尷尬尬咁呀，扮驚喜，大大方方收咗佢啦。

 

後尾Daisy同我講話：個客話你都有呀，我同你一樣味啦！不過，佢話佢老婆都係用呢只香水架！＝＝”

 

我一向都冇用香水既，拆開睇下，係Shiseido既“禪”。咁好啦，係咁意用下啦，多數都係又放係櫃桶或者衣櫃做香薰架啦。