迷你紅掌

係做迷你海棠既同時, 我仲有做埋迷你紅掌既, 所以我係四星期內, 就做咗好多花送俾人啦.

左手面最大塊果d, 係導師教我地做既size, 右手面既, 係我自己想要既大細(太大塊, 我接受唔到呀).

至於葉麻.... 我唔想用佢教果款, 都係覺得自己用手做葉紋會好d.

呢盆係"大"紅掌加佛珠, 變成人地既生日禮物.

睇真d葉紋! 我老闆買既盆仔又大派用場啦!

算ok啦, 咁啱有個放完長長病假返返工既同事, 我都送咗一盆俾佢, 點知咁橋,  又有另一位同事送咗一盆真既紅掌俾佢, 擺埋一齊都幾搞笑架!

無意中係網上見到真既大紅掌盆栽, 原來d葉好大架, 而且比較長. 下次啦, 千日啦, 到我有靈感再做過, 就會靚d架啦.