旺角行

又放假，一早就plan定去旺角尋寶！

 

先去創興既十蚊店，好失望，又搵唔到MickeyBom講果ｄ做蛋糕jam jam效果既日本顏料，得返藍色同綠色咋，有鬼用咩。仲諗住會搵到好多手作材料添，淨買到ｄ磁石貼咋。

雖然冇咩手作料好買, 點都會發揮到一d師奶本色既.

呢d磁石貼我嫌佢太厚, 但見佢細細地, 都執返排啦.

 

第二站，去香港美術用品中心，真係好日子呀，做緊八五折呀。見到有套紙lace既Starter Set，$220喎，左諗右諗，都係唔好咁晒錢啦，就咁買兩枝單丁工具算啦，其餘既野，自己諗辦法啦。至於牛油紙，行完街先買都未遲啦。於是，我就淨要咗$28既cutter、$29同$22既平平地既工具。

 

第三站，去手創拾派睇下有冇咩好野，但我既冇學生證，又冇教師證，冇折，唔抵。

 

第四站，去素食一家下午茶，麻麻地啦，起菜太慢。

 

第五站，去花園街係咁意行下，買咗兩舊冷玩下。

 

最後，去返香港美術用品中心買牛油紙。同店員傾下，叫佢拎果套starter set出黎俾我睇下，好想要．．．有折喎！好，買咗佢，仲要埋另一枝$50既工具，又執多三張牛油紙，加埋之前買果ｄ，都係三百幾蚊唧。唔體驗過ｄ比較好既工具，又點可以去搵ｄ類似功能既“克難工具”呢。我知我得既！

 

弊！返到屋企先醒起，今日唔記得去買薄磁石貼貼呀，冇得玩新野添！